عمران خان امریکہ مخالف پالیسیوں کی وجہ سے معزول ہوئے،امریکی دفاعی تجزیہ کار

اسلام آباد: سابق وزیراعظم عمران خان کو اعتماد کے ووٹ کے ذریعے معزول کرنے پر امریکی قومی سلامتی اور دفاعی تجزیہ کار ریبیکا گرانٹ کا ویڈیو کلپ سوشل میڈیا پر وائرل ہوگیا۔

اس ویڈیو کو پاکستان تحریک انصاف (پی ٹی آئی) کے رہنماؤں نے بھی شیئر کیا، جس میں دعویٰ کیا گیا کہ امریکہ حکومت کی تبدیلی میں ملوث ہے۔

ایک پروگرام کے دوران ایک سوال کے جواب میں امریکی دفاعی تجزیہ کار نے کہا کہ ‘پاکستان کو یوکرین کا ساتھ دینا ہوگا، روس کے ساتھ معاہدے کرنا بند کرنا ہوں گے، چین کے ساتھ تعلقات محدود کرنا ہوں گے اور امریکہ مخالف پالیسیاں ختم کرنی ہوں گی۔’

Need more proof of US regime change conspiracy against elected PM IK for not kowtowing before US demands? Admission by US National Security & Defense analyst Dr Rebecca Grant that US had a role in ousting Imran Khan thru VoNC. #امپورٹڈ__حکومت__نامنظور @OfficialDGISPR pic.twitter.com/fyOehRbrHk

— Shireen Mazari (@ShireenMazari1) May 2, 2022

انہوں نے مزید اعتراف کیا کہ یہی وجہ ہے کہ عمران خان کو چند ہفتے قبل عدم اعتماد کے ووٹ کے ذریعے معزول کیا گیا کیونکہ انہوں نے بات نہیں مانی۔ انہوں نے کہا کہ اب وقت آگیا ہے کہ پاکستان امریکہ مخالف پالیسیاں ختم کرے اور روس سے تعلقات منقطع کرے۔

پی ٹی آئی کی رہنما اور سابق وزیر انسانی حقوق شیریں مزاری نے اپنے ٹوئٹر اکاؤنٹ سے انٹرویو شیئر کیا اور پوچھا کہ کیا لوگوں کو امریکی مطالبات نہ ماننے پر منتخب وزیراعظم عمران خان کے خلاف امریکی حکومت کی تبدیلی کی سازش کے مزید ثبوت کی ضرورت ہے۔

مزید پڑھیں:عراق کے جنوبی شہر اربیل میں آئل ریفائنری پر میزائل حملہ

انہوں نے کہا کہ یہ انٹرویو امریکی قومی سلامتی اور دفاعی تجزیہ کار ڈاکٹر ریبیکا گرانٹ کا اعتراف ہے کہ عمران خان کو عدم اعتماد کے ووٹ کے ذریعے ہٹانے میں امریکہ کا کردار تھا۔