گوگل نیوز پر ہمیں فالو کریںلاہور کی منفرد عربین نان شاپ جہاں 32 اقسام کے مختلف نان دستیاب ہیں، جو لاہوریوں کی پسندیدہ غذا بن گئے، جو ایک بار کھاتا ہے، دوسری بار ضروری یہاں کا رخ کرتا ہے۔
ایم ایم نیوز نے اس حوالے سے تفصیلات جاننے کے لئے عربین نان شاپ کا وزٹ کیا، اور وہاں لوگوں سے بھی اس حوالے سے رائے طلب کی، عربین نان شاپ پر چکن چیز۔ڈونٹ۔چاکلیٹ۔ باربی کیو ایسے نان جنہیں کھا کر پیزے کا مزہ ملتا ہے۔
عربین نان شاپ پر آئے ہوئے کسٹمرز نے ہمیں بتایا کہ ہم پچھلے دو سال سے یہاں آرہے ہیں، ان کی بیف نان، ملائی بوٹی نان کھانے میں ایسا مزہ دیتا ہے کہ جیسے آپ نے کھویا کھایا ہو۔
ایک اور گاہک کا کہنا تھا کہ تقریباً 3سال سے آرہے ہیں، یہاں پر اعلیٰ معیار کے نان دستیاب ہیں، باربی کیو چیس نان کا اپنا الگ ہی مزہ ہے، پورے لاہور میں یہ ایک واحد دکان ہے، جس کا نان پیزے کا مزہ دیتا ہے۔
گاہک نے بتایا کہ ان کا آلو والا نان بھی بہت مزیدار ہے، ان کے چکن کباب بھی بے مثال ہیں، گھر والوں کو بہت پسند آتے ہیں، ہم اپنے مہمانوں کی تواضع بھی ان کے نان سے کرتے ہیں، جبکہ ان کا ریٹ بھی بہت کم ہے۔
