انڈر 19 ورلڈ کپ: افتتاحی میچ میں ویسٹ انڈیز اورآسٹریلیا مدمقابل

گیانا: انڈر 19 مینز کرکٹ ورلڈ کپ ہوگیا،پروڈنس اسٹیڈیم میں پہلے میچ میں میزبان ویسٹ انڈیز اورآسٹریلیا کی ٹیمیں مدمقابل ہونگی۔

میزبان ٹیم کو وارم اپ میچ میں بھارت اور جنوبی افریقہ کے خلاف بھاری شکست کا سامنا کرنا پڑا، دونوں موقعوں پر ویسٹ انڈین بلے باز 200 رنزعبور کرنے میں ناکام رہے تاہم کوچ فلائیڈ ریفر اپنی ٹیم کی صلاحیت کے بارے میں فکر مند نہیں ہیں، ان کا کہنا ہے کہ میرے خیال میں کریز پر کچھ اور وقت گزارنے اور کچھ اور شراکتیں بنانے سے ٹیم بڑا اسکور کرسکتی ہے۔

مزید پڑھیں:آسٹریلوی کرکٹ ٹیم کے کپتان پیٹ کمنز دورہ پاکستان کیلئے پرامید

فلائیڈ ریفر کاکہنا ہے کہ ہم نے جو وارم اپ گیمز کھیلے ہیں وہ دو کم اسکورنگ میچ تھے، اس لیے میں اس پر زیادہ زور نہیں دینا چاہوں گا۔ ان کا کہنا ہے کہمجھے اپنے لڑکوں پر بھروسہ ہے، ہمارے پاس کرکٹرز کا ایک باصلاحیت گروپ ہے، ہمارے پاس کچھ اچھے بلے باز موجود ہیں، ہم مستقل مزاجی کے ساتھ جواب دیں گے۔

ایونٹ میں کل بھارت اور جنوبی افریقہ آمنے سامنے ہوں گے جبکہ یوگنڈا اور آئرلینڈ بھی ہفتے کو مدمقابل ہونگے۔