گوگل نیوز پر ہمیں فالو کریںاسلام آباد: پاکستان اور دیگر ممالک میں سماجی رابطے کی ویب سائٹ ٹوئٹر کی خدمات متاثر ہوئیں جس کے نتیجے میں سوشل میڈیا صارفین کو پریشانی کا سامنا کرنا پڑا۔ بے شمار ٹوئٹر اکاؤنٹ لاگ آؤٹ ہوگئے۔
تفصیلات کے مطابق ٹوئٹر کے بے شمار اکاؤنٹ خود بخود لاگ آؤٹ ہوگئے جس کی وجہ تکنیکی مسائل قرار دئیے جارہے ہیں۔ بین الاقوامی میڈیا کے مطابق اکاؤنٹ لاگ آؤٹ ہونے کے علاوہ صارفین کو ٹوئٹر پر پیغامات بھیجنے اور وصول کرنے میں بھی مشکلات رہیں۔
ٹوئٹر آمدن پر توجہ کم کرکے صارفین کے تجربے کو بہتر بنانے کیلئے پر عزم
https://twitter.com/disclosetv/status/1492197074191933441
بعد ازاں ٹوئٹر انتظامیہ نے سوشل میڈیا صارفین کی تسلی کیلئے پیغام جاری کرتے ہوئے بتایا کہ ہم نے ایک تکنیکی مسئلہ حل کیا ہے جس کے تحت صارفین کو ٹائم لائن لوڈنگ اور ٹوئٹر پیغامات پوسٹ کرنے میں مسائل کا سامنا رہا۔
We’ve fixed a technical bug that was preventing timelines from loading and Tweets from posting. Things should be back to normal now. Sorry for the interruption!
— Support (@Support) February 11, 2022
رات گئے ارسال کیے گئے ٹوئٹر پیغام کے مطابق صارفین کے تمام مسائل پر بر وقت کارروائی ہوئی۔ اس موقعے پر ٹوئٹرانتظامیہ نے اپنے صارفین سے معذرت کرتے ہوئے کہا کہ پیغام رسانی میں مشکلات اور لاگ آؤٹ ہونے کے مسائل پر قابو پا لیا گیا۔
خیال رہے کہ اس سے قبل ٹوئٹر انتظامیہ نے کہا کہ ہم آمدن پر توجہ کم کرکے صارفین کے تجربے کو بہتر بنانے کیلئے پر عزم ہیں جبکہ آنے والے سالوں کیلئے ترقیاتی اہداف مقرر کردئیے گئے۔ سماجی رابطے کی ویب سائٹ نے صارفین کی تعداد بڑھانے پر کام شروع کردیا۔
ٹوئٹر انتظامیہ نے اپنے حالیہ پیغام میں کہا کہ ہمارا مقصد ترقی اور آمدنی کو نمایاں طور پر بڑھانا ہے۔ ٹوئٹر کی آمدنی سال 2021 میں 5 اعشاریہ 08 ارب ڈالر جبکہ آخری سہ ماہی میں 1 اعشاریہ 57 ارب ڈالر تھی جو تجزیہ کاروں کی توقعات سے قدرے کم رہی۔
