گوگل نیوز پر ہمیں فالو کریںلاہور: امیر جماعت اسلامی سراج الحق نے کہا ہے کہ آزمائے ہوئے لوگ اور پارٹیاں بہتری نہیں لا سکتیں، انہوں نے کہا کہ پرانے انڈوں کو نئی ٹوکری میں ڈالنے سے استحکام نہیں آئے گا۔
سراج الحق نے اپنے ایک بیان میں کہا ہے کہ پیپلز پارٹی، ن لیگ، تحریک انصاف نے جنوبی پنجاب کے عوام سے جھوٹے وعدے کیے، ملک پر مسلط ظالم جاگیردار اور کرپٹ سرمایہ دار امریکہ کے وفادار ہیں، روس پاکستان میں آجاتا تو حکمران اشرافیہ اس کے ٹینکوں پر بیٹھ جاتی۔
سراج الحق نے مزید کہا کہ جماعت اسلامی نے کراچی میں اکثریت حاصل کی، ہماری اکثریت کو اقلیت میں بدلا گیا تو حکومت سندھ حالات کی ذمہ دار ہوگی۔
مزید پڑھیں:کیا جہانگیر ترین کی پارٹی فیصلہ کن کردار ادا کر پائے گی؟
انہوں نے کہا کہ جنوبی پنجاب کا پڑھا لکھا نوجوان ملک سے باہر بھاگ رہا ہے، جنوبی پنجاب کا کسان پریشان ہے، خواتین مزدوریاں کرنے پر مجبور ہیں۔
