گوگل نیوز پر ہمیں فالو کریںاحمدپور شرقیہ کے قریب احمد پور ایسٹ ٹول پلازہ کے نزدیک ایک ہائی ایس وین میں اچانک آگ لگ گئی، جس کے باعث ایک طالبہ جان کی بازی ہار گئی اور 8 دیگر زخمی ہو گئیں۔
ابتدائی اطلاعات کے مطابق اسکول وین میں کل 18 طالبات موجود تھیں جو امتحان دے کر واپس جا رہی تھیں۔
موٹروے پولیس کے ترجمان سید عمران احمد نے بتایا کہ آگ لگنے کی وجہ گاڑی میں شارٹ سرکٹ تھی۔
انہوں نے بتایا کہ حادثے کی اطلاع ملتے ہی موٹروے پولیس فوری طور پر موقع پر پہنچ گئی اور طالبات کو وین سے نکال کر ریسکیو 1122 کی مدد سے تحصیل ہیڈ کوارٹر اسپتال منتقل کیا گیا جہاں زخمیوں کو طبی سہولیات فراہم کی جا رہی ہیں۔
حادثے کے بعد وین کا ڈرائیور فرار ہوگیا، جس کی تلاش اور قانونی کارروائی شروع کر دی گئی ہے۔ موٹروے پولیس نے جائے وقوعہ کو سیل کر کے ٹریفک کی روانی بحال کر دی ہے۔
