گوگل نیوز پر ہمیں فالو کریںجمعیت علمائے پاکستان کے مرکزی صدر پیر اعجاز احمد ہاشمی نے سویڈن میں قرآن مجید جلا کر بے حرمتی کرنے کی شدید مذمت کرتے ہوئے اسے مذہبی منافرت اور انتہا پسندی کا واقعہ قرار دیا ہے۔
انہوں نے مطالبہ کیا کہ اقوام متحدہ اور او آئی سی ایسے شرمناک واقعات کا نوٹس لے کر تمام مذاہب کے مقدسات کی حفاظت کو یقینی بنائے۔
لاہور میں کارکنوں سے گفتگو کرتے ہوئے پیر اعجاز ہاشمی نے کہا کہ سرکاری سرپرستی میں قرآن مجید جلانے والے ان شاءاللہ عبرتناک انجام سے دوچار ہوں گے۔
یہ بھی پڑھیں:
بیونسے نے دبئی میں ایک گھنٹے کی پرفارمنس میں 5 ارب روپے کمالیے
انہوں نے کہا کہ قرآن جلانے کا واقعہ جاہلیت اور مذہبی انتشار پر مبنی ہے۔ سویڈن خود کو پرامن اور معتدل ملک ہونے کا دعویدار ہے، مگر حکومت کی اجازت سے قرآن مجید جلانے کا واقعہ خطرناک رجحان ہے۔ جس کیخلاف اسلامی ممالک کو صرف بیان بازی سے کام لینے کے بجائے عملی اقدامات بھی کرنے چاہئیں۔
ڈنمارک کی طرف سے سرور کائنات حضرت محمد صلی اللہ علیہ وآلہ وسلم کے گستاخانہ خاکے بنائے گئے، جبکہ قرآن مجید جلانے کے واقعات ہوئے۔ ایسے واقعات گندی ذہنیت کی عکاسی کرتے ہیں۔ یہ لوگ نارمل نہیں، ذہنی مریض ہیں۔
