گوگل نیوز پر ہمیں فالو کریںاسلام آباد: مہنگائی کی چکی میں پسی عوام کیلئے اچھی خبر آگئی، پیٹرولیم مصنوعات کی قیمتوں میں کمی کا امکان ظاہر کیا جارہا ہے۔
ڈالر کے مقابلے روپے کی قدر میں بہتری کے باعث یکم سے 15 اکتوبر کے دوران ہائی اسپیڈ ڈیزل (ایچ ایس ڈی) اور پیٹرول کی فی لیٹر قیمت میں 5 سے 19 روپے فی لیٹر کمی متوقع ہے۔
نگراں حکومت کیلئے پیٹرولیم مصنوعات کی قیمتوں میں کمی کا یہ پہلا موقع ہوگا، 15 اگست سے 15 ستمبر کے درمیان پٹرول اور ہائی اسپیڈ ڈیزل کی قیمتوں میں بالترتیب 58.43 روپے اور 55.83 روپے فی لیٹر کا اضافہ ہوا ہے۔
پیٹرول اور ہائی اسپیڈ ڈیزل فی لیٹر ریٹیل سطح پر 331 سے 333 روپے میں فروخت ہورہا ہے۔
عالمی مارکیٹ میں تیل سستا ہونے اور انٹربینک و اوپن مارکیٹ میں روپے کی قدر میں بہتری جبکہ موجودہ ٹیکس ریٹس اور دیگر اوور ہیڈز کی بنیاد پر آئندہ جائزے میں پیٹرول کی قیمت میں 15 سے 19 روپے فی لیٹر کمی ہوسکتی ہے۔
افغان کرنسی 2023 کی تیسری مضبوط ترین کرنسی قرار
حکومت پیٹرولیم لیوی 50 روپے فی لیٹر برقرار رکھنے کا فیصلہ کرتی ہے تو ہائی اسپیڈ ڈیزل کی قیمت میں 9 سے 12 روپے فی لیٹر کمی ہوسکتی ہے جبکہ لیوی میں 5 روپے فی لیٹر اضافہ کیا تو ڈیزل کی قیمت میں 5 سے 8 روپے فی لیٹر کمی ہوگی۔
اس وقت تمام پیٹرولیم مصنوعات پر جنرل سیلز ٹیکس (جی ایس ٹی) صفر ہے مگر حکومت پیٹرول پر 60 روپے فی لیٹر پیٹرولیم ڈیولپمنٹ لیوی وصول کر رہی ہے جب کہ ایچ ایس ڈی اور دیگر پر 50 روپے فی لیٹر لیوی عائد ہے۔
اس کے علاوہ حکومت پیٹرول اور ایچ ایس ڈی پر 22 سے 23 روپے فی لیٹر کسٹم ڈیوٹی بھی وصول کر رہی ہے۔
