گوگل نیوز پر ہمیں فالو کریںآل سٹی تاجر اتحاد نے جماعت اسلامی کی غزہ کے حوالے سے ہڑتال کی کال سے لاتعلقی کا اعلان کردیا۔
اس حوالے سے جاری بیان میں آل سٹی تاجر اتحاد کے رہنما شرجیل گوپلانی کا کہنا ہے کہ ہم 7 اپریل کو اپنا احتجاج ریکارڈ کراچکے ہیں، 26 اپریل بروز ہفتہ کی ہڑتال سے ہمارا کوئی تعلق نہیں۔
آل سٹی تاجر اتحاد کے رہنما شرجیل گوپلانی نے جماعت اسلامی کی جانب سے دی گئی ہڑتال سے لاتعلقی کا اعلان کرتے ہوئے کہا ہے کہ کراچی کی ٹمبر مارکیٹ معمول کے مطابق کھلی رہے گی۔
شرجیل گوپلانی نے واضح کیا کہ ہمارا کسی ہڑتال سے کوئی تعلق نہیں، ہم پہلے ہی 7 اپریل کو ہڑتال کر چکے ہیں، کاروبار پہلے ہی مشکلات کا شکار ہے، مزید بندش کے متحمل نہیں ہو سکتے۔
انہوں نے تاجروں سے اپیل کی کہ وہ معمول کے مطابق کاروبار جاری رکھیں اور کسی غیر متعلقہ ہڑتال کا حصہ نہ بنیں۔
