چیتے کے بعد شیر سڑک پر نکل آئے، ویڈیو وائرل

دوروز قبل پاکستان کے شہر راولپنڈی کی نجی ہاؤسنگ سوسائٹی ( ڈی ایچ اے فیز 2) میں جنگلی چیتا نکل آیا تھا جس نے ایک شہری کو ہلاک جبکہ چھ افراد کو زخمی کردیا تھا، تاہم اب حال ہی میں شیروں کی سڑک پر ٹہلنے کی ویڈیو سامنے آئی ہے۔

ٹوئٹر پر ایک ویڈیو پوسٹ کی گئی ہے جو کہ بھارتی ریاست گجرات کی ہے، جس میں 8 شیروں کو سڑک پر ٹہلتے ہوئے دیکھا جاسکتا ہے۔

Lions can only dare to go for a morning walk in a village, in Gujarat, India! pic.twitter.com/erUGyDWemq

— Ashok Swain (@ashoswai) February 16, 2023

یہ بھی پڑھیں:

عورت کو خوش رہنے کیلئے مرد کے ساتھ کی ضرورت نہیں، سجل علی

ویڈیو سوشل میڈیا پر تیزی سے وائرل ہورہی ہے جس میں دیکھا جاسکتا ہے کہ شیروں کی ٹولی بڑے اطمینان کے ساتھ بغیر کسی خوف کے سڑک پر گھوم رہی ہے۔

شیروں کی سڑک پر ٹہلنے کی ویڈیو ایک رہائشی کے سی سی ٹی وی کیمرے میں محفوظ ہو گئی۔ جس میں سب سے آگے ایک شیر کو جاتے اور پھر رک کر دوسرے شیروں کا انتظار کرتے دیکھا جا سکتا ہے۔

اس دوران دور سے آتی گاڑی کی لائیٹوں نے شیروں کو تھوڑا پریشان کردیا اور وہ اپنی جگہ پر ہی رک گئے تاہم گاڑی کے قریب آنے پر شیر جہاں سے آئے تھے وہیں واپس چلے گئے۔