گوگل نیوز پر ہمیں فالو کریںباجوڑ میں جے یو آئی کے کنونشن پر خود کش حملے کی ذمے داری دہشت گرد تنظیم داعش نے قبول کرلی۔
افغان امور کے تجزیہ کار اور پاکستانی انگریزی جریدے سے وابستہ صحافی مشتاق یوسفزئ نے ٹوئٹر پر ایک ٹوئٹ میں دعویٰ کیا ہے کہ باجوڑ میں اتوار کے دن ہونے والے خود کش حملے کی ذمے داری دہشت گرد گروہ داعش نے قبول کرلی ہے۔
مشتاق یوسفزئ نے اپنی ٹوئٹ میں داعش کی جانب سے اس حملے کی ذمےد اری قبول کرنے کی تفصیلات شائع کی ہیں۔
#ISIS claimed responsibility for the Sunday’s afternoon suicide attack on JUI-F rally in Bajuar. It’s 24th attack on #JUI-F activists in Bajuar claimed by ISIS since 2019, Sunday’s attack was the deadliest. @MoulanaOfficial pic.twitter.com/KRSeAiy33G
— Mushtaq Yusufzai (@MYusufzai) July 31, 2023
ٹوئٹ سے منسلک تفصیلات میں دیکھا جا سکتا ہے کہ اس حملے کا جواز جمعیت علمائے اسلام کی جانب سے جمہوری نظام کی حمایت کو بتایا گیا ہے۔
دولت اسلامیہ (داعش) خراسان کا کہنا ہے کہ داعش سے تعلق رکھنے والا ایک خودکش حملہ آور شمال مغربی ضلع باجوڑ میں واقع قصبے خار میں ایک ہجوم میں اپنی بارود سے بھری جیکٹ کو دھماکے سے اڑا دیا تھا۔
