فلسطینی جانبازوں کی کامیاب جنگی چالوں نے دنیا کو حیران کردیا

غزہ پر اسرائیل کے وحشیانہ حملوں کو دو ماہ سے زائد عرصہ ہوگیا ہے، پورے غزہ کو کھنڈر میں تبدیل کرنے کے باوجود اسرائیل حماس کو ختم کرسکا ہے اور نہ ہی اپنے یرغمالی شہریوں اور فوجیوں کا سراغ لگا سکا ہے۔

حماس اور اسلامی جہاد کے ملٹری ونگز القسام بریگیڈز اور القدس بریگیڈز کے جنگجو اس تمام عرصے میں اسرائیل کیلئے لوہے کے ایسے چنے ثابت ہوگئے ہیں، جنہیں چباتے ہوئے اسرائیل کے دانٹ کھٹے ہوچکے ہیں۔

[visual-link-preview encoded=”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″]

دنیا بھر کے عسکری ماہرین حیران ہیں کہ ایک مختصر سے علاقے میں چند ہزار نسبتاً غیر منظم جنگجوؤں پر مشتمل فلسطینی تنظیمیں دنیا کی ایک مانی ہوئی بڑی فوجی اور انٹیلی جنس طاقت کو کیسے وختہ ڈالے ہوئے ہیں۔

اسرائیل نے وحشیانہ بمباری کے بعد غزہ میں زمینی فوج داخل کرنے کا اعلان کیا تو حماس نے اس کا ایک طرح سے خیر مقدم کیا تھا، اس وقت دنیا نے اسے “آ بیل مجھے مار” اور خود کشی کے مترادف قرار دیا تھا، مگر اب دنیا کو سمجھ میں آگئی ہے کہ حماس اس خیر مقدم سے کیا چاہتی تھی؟

میدان جنگ سے آنے والی خبریں قطعی طور پر اسرائیل کے خلاف ہیں، اب تک اس جنگ میں اسرائیل کو اہم ترین فوجی جرنیلوں سمیت اہلکاروں کا اس قدر جانی نقصان ہوا ہے جتنا اسرائیل کی پوری تاریخ میں کبھی نہیں ہوا۔

مجموعی طور پر غزہ اسرائیل کیلئے ایک ایسی دلدل ثابت ہورہا ہے، جس میں اٹھایا جانے والا ہر قدم اسے مزید اندر دھنسا رہا ہے۔ اسرائیل عام شہریوں، بچوں، خواتین اور بوڑھوں کو مار مار کر تو تھک چکا ہے، مگر حماس کے مجاہدین اب بھی تازہ دم ہیں اور ایسی جرات و بہادری سے اسرائیلی فوج کا مقابلہ کر رہے ہیں کہ دنیا کی عسکری تاریخ اس کی نظیر پیش کرنے سے قاصر ہے۔

[visual-link-preview encoded=”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”]

حماس اور برادر فلسطینی تنظیموں نے اپنی استقامت، جرات، بہادری اور دنیا کے طاقتور ترین قابض و جارح کیخلاف کامیاب مزاحمت سے اپنا لوہا منوا لیا ہے۔

اس جنگ میں فلسطینی مزاحمت کاروں کی تیکنیک یقینا مستقبل میں دنیا بھر کے فوجی نصاب کا حصہ ہوگی، تاہم اس وقت بھی دنیا انگشت بدندان جاننے کی کوشش کر رہی ہے کہ مچھر نے کس طرح ہاتھی کو بری طرح الجھا کر رکھ دیا ہے۔

اس وقت فلسطینی مزاحمت کاروں کی کئی جنگی تیکنیکیں زیر بحث ہیں، حال ہی میں اسرائیلی میڈیا میں فلسطینی جانبازوں کی یہ جنگی چال رپورٹ ہوئی ہے کہ جانباز جارح اسرائیلی فوجیوں کو یقین دلانے کے لیے کہ عمارتوں میں قیدی موجود ہیں، عبرانی بولنے والی گڑیا کا استعمال کرتے ہوئے صہیونی فوجیوں کو اپنے دام میں پھنساتے ہیں اور پھر گھیر کر انہیں موت کے گھاٹ اتار دیتے ہیں۔

اسرائیلی میڈیا کے مطابق اس چال کے ذریعے شمالی اور وسطی غزہ کے کئی محاذوں پر صہیونی فوج کو بے تحاشا نقصان پہنچایا جا چکا ہے اور اب نوبت یہاں تک آگئی ہے کہ عبرانی بولنے والی گڑیا اسرائیلی فوج کیلئے موت کا پیغام بن گئی ہے۔

غزہ میں اسرائیلی فوج کے حالات اس قدر ابتر ہیں کہ پہلے اسرائیلی میڈیا پر ہر تجزیہ کار اور عسکری ماہر چیخ چیخ کر یہی کہتا تھا کہ حماس کی تباہی کا وقت آپہنچا۔ یہاں تک کہ غزہ کو اسرائیل ہی پکارا جانے لگا تھا، گویا اسرائیل نے غزہ کو اپنے قبضے میں لے لیا ہے۔

مگر اب سب کی ٹون بدلی ہوئی ہے۔ اب ان کے عسکری ماہرین تھکے تھکے لہجے میں یہ کہتے پائے جاتے ہیں کہ نیتن یاہو کو چاہیے کہ فوری طور پر جنگ بند کرکے مذاکرات کی میز پہ بیٹھے۔ بلا شبہ جنگیں صرف فوجی طاقت سے نہیں لڑی جاتیں۔ فلسطینی جانبازوں نے ثابت کردیا ہے کہ جذبہ ایمانی دنیا کی بڑی سے بڑی عسکری طاقت سے بھی بڑھ کر طاقتور ہے!