گوگل نیوز پر ہمیں فالو کریںلاہور: پاکستان تحریک انصاف کے سینئر رہنما اور پنجاب کے وزیر بلدیات میاں محمود الرشید نے اگلے سال مارچ، اپریل میں انتخابات کا عندیہ دے دیا ہے۔
میڈیا رپورٹس کے مطابق پنجاب حکومت نے آئندہ سال مارچ، اپریل میں بلدیات انتخابات کروانے کا عندیہ دے دیا ہے
وزیر بلدیات پنجاب نے بتایا کہ بلدیاتی انتخابات دو مراحل میں ہوں گے، پہلے مرحلے میں ویلیج کونسل اور نیبر ہڈ کونسل کے غیر جماعتی الیکشن ہوں گے۔
ان کا کہنا تھا کہ دوسرے مرحلے میں تحصیل کونسل اور میٹروپولیٹین کے میئرز کے انتخابات جماعتی بنیادوں پرہوں گے۔
میاں محمود الرشید کا کہنا ہے کہ ہم آئندہ سال بلدیاتی انتخابات کے لئے تیار ہیں، الیکشن کمیشن نے جو تیاری کرنی ہے کرلے، ہم مکمل طور پرتیار ہیں۔
واضح رہے کہ وزیراعظم عمران نے بھی پنجاب حکومت کو آئندہ بلدیاتی انتخابات جلد کروانے کا ہدف دیتے ہوئے کہا تھا کہ صوبے میں بلدیاتی انتخابات کی تیاری کی جائے، اور اس حوالے سے پارٹی کارکنان کو فعال کیا جائے۔
یہ بھی پڑھیں : صوبے میں امن قائم رکھنا ہماری اولین ترجیح ہے، وزیراعلیٰ سندھ
