گوگل نیوز پر ہمیں فالو کریںکراچی: وزيراعظم عمران خان نے پاکستان کوارٹرز کراچی کے مکینوں کے لیے 54 سالہ لیز کی تجدید کر دی۔ تحریک انصاف کے رکن سندھ اسمبلی جمال صدیقی کی درخواست پر وزیراعظم عمران خان نے لیز کے احکامات جاری کیے ہیں۔
پاکستان کوارٹرز کے مکینوں کے لیے خوشخبری ۔ وفاقی حکومت نے 413 ملین روپے ادا کرکے پاکستان کوارٹرز کی زمین کی لیز کرائی ہے۔
اپنے ویڈیو پیغام میں ایم پی اے جمال صدیقی کا کہنا تھا کہ وزیراعظم کے ویژن کے مطابق کسی کے چھت نہیں چھینی جائے گی جبکہ تمام لوگوں کو گھر بنا کر دیے جائیں گے۔
واضح رہے کہ 413 ملین روپے کی ادائیگی پر محکمہ ریونیو سندھ نے لیز دستاویز جاری کیں ہیں۔ پاکستان کوارٹرز کے رہائشیوں کی لیز کا معاملہ 1995 سے زیر التوا تھا۔
وفاقی حکومت پاکستان کوارٹرز کے مکینوں کی تجویز پر ہاوسنگ منصوبہ بھی شروع کر رہی ہے۔ گورنر سندھ عمران اسماعیل نے دو سال قبل پاکستان کوارٹرز کے مکینوں کے مسائل حل کرنے کے لیے ٹھوس اقدامات کی ہدایت کی تھی۔
یہ بھی پڑھیں: انڈیا اور این ڈی ایس افغانستان میں ناکامی کا ملبہ پاکستان پر نہ ڈالیں، شیخ رشید احمد
