قومی کرکٹ ٹیم کا اسکواڈ نیدرلینڈز کے شہر ایمسٹرڈیم پہنچ گیا

نیدر لینڈز:قومی کرکٹ ٹیم کا اسکواڈ نیدرلینڈز کے شہر ایمسٹرڈیم پہنچ گیا،اسکواڈ کچھ دیر بعد روٹرڈیم روانہ ہوگا۔

پاکستان اور نیدرلینڈز کے مابین تین ون ڈے انٹرنیشنل میچز کی سیریز 16 اگست سے شروع ہوگی،سیریز کے بقیہ دو میچز 18 اور 21 اگست کو کھیلے جائیں گے۔

تفصیلات کے مطابق تین ایک روزہ میچز کی سیریز پر مشتمل دورہ نیدر لینڈز کے لیے پاکستان کرکٹ ٹیم لاہور سے روانہ ہوئی۔

قومی ٹیم کے کپتان بابر اعظم کا گزشتہ روز اس حوالے سے کی گئی پریس کانفرنس میں کہنا تھا کہ نیدرلینڈز اور ایشیا کپ کے لیے جو بہترین ٹیم دستیاب تھی وہ ہم نے پاکستان کے لیے منتخب کی۔

مزید پڑھیں:ٹیم میں اب تبدیلی نہیں ہوگی، بابر اعظم کا دو ٹوک اعلان

قومی کپتان بابر اعظم نے کہا کہ کوئی بھی ٹیم اپنے ہوم گراؤنڈ پر آسان نہیں ہوتی، ہم کسی ٹیم کو ہلکا نہیں لے رہے۔