گوگل نیوز پر ہمیں فالو کریںاسلام آباد: حکومت نے عالمی بینک کے ساتھ 50 کروڑ ڈالر کے معاہدے پر دستخط کردیے۔
عالمی بینک پنجاب لچکدار اور جامع زرعی تبدیلی کے منصوبے اور خیبر پختونخوا ایکسیسبیلٹی پراجیکٹ کیلیے پاکستان کو مجموعی طور 50 کروڑ ڈالر فراہم کرے گا جس کے لیے پاکستان اور عالمی بینک کے درمیان معاہدے طے پاگیا ہے۔
معاہدے کے تحت عالمی بینک پنجاب لچکدار اور جامع زرعی تبدیلی کے منصوبے پر 20 کروڑ ڈالرجبکہ خیبر پختونخوا ایکسیسبیلٹی پراجیکٹ کیلیے 30 کروڑ ڈالر فراہم کرے گا۔
وزارت اقتصادی امور کی جانب سے جاری کردہ اعلامیہ میں بتایا گیا ہے کہ عالمی بینک نے 200 ملین امریکی ڈالر مالیتی پنجاب لچکدار اور جامع زرعی تبدیلی کے منصوبیاور 300 ملین امریکی ڈالر مالیت کیخیبر پختونخوا ایکسیسبیلٹی پروجیکٹ کے لیے عالمی بینک کے ساتھ کل 500 ملین امریکی ڈالر کے مالیاتی معاہدوں پر دستخط کیے ہیں۔
چینی جوڑے نے سرمایہ کاری کا لالچ دیکر سری لنکن شہریوں سے 14 ارب لوٹ لیے
حکومت پاکستان کی جانب سے وزارت اقتصادی امور کے سیکرٹری ڈاکٹر کاظم نیاز نے ان دوما لیاتی معاہدوں پر دستخط کیے جبکہ عالمی بینک کے کنٹری ڈائریکٹر ناجی بینہسین نے عالمی بینک کی جانب سے معاہدوں پر دستخط کیے۔
