ابتک کورونا کے باعث انتقال کرنے والوں کی تعداد 336 ہوگئی ہے، وزیراعلیٰ سندھ

کراچی: وزیر اعلیٰ سندھ سید مراد علی شاہ نے پریس کانفرنس کرتے ہوئے کہا کہ آج ہم نے 6003 ٹیسٹ کئے ہیں، جبکہ گذشتہ 24 گھنٹوں میں 960 نئے کیسز سامنے آئے ہیں۔ کل 1017 کیسز سامنے آئے تھے، کیسز میں مسلسل اضافہ ہو رہا ہے۔

مجھے دکھ سے کہنا پڑھ رہا ہے کہ مزید 10 مریض انتقال کرگئے، ابتک کورونا کے باعث انتقال کرنے والوں کی تعداد 336 ہوگئی ہے، 143 مریضوں کی حالت تشویشناک ہے۔

33 مریض اب بھی وینٹی لیٹرز پر ہیں اللہ پاک ان کو صحتیاب کرے، اس وقت 13263 مریض زیرعلاج ہیں، 11735 مریض گھروں میں، 608 آئیسولیشن مراکز میں ہیں۔

وزیر اعلیٰ سندھ نے کہا کہ اس وقت 722 مریض صوبے کی مختلف اسپتالوں میں زیرعلاج ہیں، آج 680 مریض صحتیاب ہوکر گھروں کو چلے گئے۔

صحتیاب ہونے والوں کی تعداد 6325 ہوگئی ہے، کراچی میں 779 نئے کیسز سامنے آئے ہیں، ضلع شرقی کراچی میں 233، جنوبی میں 169 اور وسطی میں 137 مزید کیسز ظاہر ہوئے۔

مراد علی شاہ نے کہا کہ غربی میں 97، کورنگی میں 86 اور ملیر 57 نئے کورونا مریض رپورٹ ہوئے، شکارپور میں 22، حیدرآباد میں 17اور لاڑکانہ 14 نئے کیسز رپورٹ ہوئے۔

سکھر اور قمبر شہدادکوٹ میں 9-9 جبکہ گھوٹکی میں 7 مزید کیسز ظاہر ہوئے، سانگھڑ اور شہیدبینظیر آباد میں 3-3 جبکہ میرپورخاص اور جیکب آباد میں 2-2 نئے کیسز رپورٹ ہوئے۔ دادو، جامشورو، نوشہروفیروز اور سجاول میں ایک ایک کیس سامنے آیا ہے۔