گوگل نیوز پر ہمیں فالو کریںچترال میں افغان سرزمین سے دہشت گردوں کے حملے کے معاملے پر سینئر افغان سفارتکار کو دفتر خارجہ طلب کر کے شدید احتجاج ریکارڈ کرایا گیا۔
ذرائع کے مطابق دفترخارجہ میں سینئر افغان سفارتکار کی طلبی ہوئی، جہاں پاکستان نے طور خم میں بلا اشتعال فائرنگ اور چترال میں دہشتگر دانہ حملے پر سخت احتجاج کیا۔
یہ بھی پڑھیں:
ذخیرہ اندوزوں کے خلاف کریک ڈاؤن، چینی کی 5000 سے زائد بوریاں ضبط
وزارت خارجہ حکام کی جانب سے افغان سفارتکار کو احتجاجی مراسلہ بھی دیا گیا۔ واضح رہے کہ 6 ستمبر کو پاک افغان سرحد پر افغانستان سے دہشت گردوں نے دو چیک پوسٹوں کو نشانہ بنایا تھا۔
سیکیورٹی فورسز کی جوابی کارروائی میں 12 دہشت گرد ہلاک ہوئے جبکہ فائرنگ کے شدید تبادلے کے دوران چار جوانوں نے جام شہادت بھی نوش کیا تھا۔
