گوگل نیوز پر ہمیں فالو کریںکراچی کے علاقے کریک وسٹا میں کمسن لڑکا 14ویں منزل سے نیچے گر کر جاں بحق ہوگیا ہے۔ لڑکے کے والد نے واقعے کو حادثے کا نتیجہ قرار دے دیا۔
تفصیلات کے مطابق 16 سالہ لڑکا کراچی کے پوش علاقے میں 14ویں منزل سے گر کر جاں بحق ہوا۔ ایم ایم نیوز ذرائع کے مطابق جاں بحق لڑکے کا نام انس ولد آفتاب شیخ ہے۔
جناح ہسپتال میں والدین کا جھگڑا، بچہ گر کر جاں بحق
کریک وسٹا میں 14ویں منزل پر واقع اپنے فلیٹ سے گر جانے کے بعد انس شدید زخمی ہوگیا تھا۔ ساحل تھانہ پولیس کا کہنا ہے کہ انس کو علاج کیلئے ساؤتھ سٹی ہسپتال لے جایا گیا تھا۔
ساؤتھ سٹی ہسپتال میں انس دورانِ علاج جاں بحق ہوگیا۔ جاں بحق لڑکے کے والد آفتاب شیخ نے واقعے کو حادثے کا نتیجہ قرار دیتے ہوئے کوئی بھی قانونی کارروائی نہ کرنے کا عندیہ دیا۔
مقامی افراد کا کہنا ہے کہ انس کی نمازِ جنازہ آج کریک وسٹا کے نزدیک واقع سکینہ سلطان مسجد میں ہوگی۔
خیال رہے کہ اس سے قبل جناح پوسٹ گریجویٹ میڈیکل سینٹر (جے پی ایم سی) میں والدین کے جھگڑے کے دوران بچہ گر کر جاں بحق ہوگیا۔ پولیس نے باپ کو گرفتار کر لیا۔
جے پی ایم سی میں گزشتہ برس نومبر کے دوران مبینہ جھگڑے کے دوران بچہ گر کر جاں بحق ہوگیا۔ انتقال کر جانے والے بچے کی والدہ نے بیان دیا کہ 2 روز قبل حادثہ ہوا جس کے بعد سول ہسپتال والوں نے جے پی ایم سی ریفر کردیا۔
