گوگل نیوز پر ہمیں فالو کریںکراچی: شیریں جناح کالونی میں کیمیکل کے ٹینکر میں دھماکے کے نتیجے میں ایک شخص جاں بحق اور افراد 6 زخمی ہوگئے۔
کیمیکل ٹینکر اس وقت دھماکے سے اڑ گیا جب کھڑے ٹینکر پر ویلڈنگ کا کام جاری تھا ، دھماکے سے قریبی عمارتوں کے شیشے ٹوٹ گئے۔
علاوہ ازیں دھماکے سے قریب کھڑے ایک اور ٹینکر کے ایک حصے کو بھی نقصان پہنچا۔
یاد رہے کہ گزشتہ ہفتے حیدرآباد کے پریٹ آباد محلے میں ایل پی جی سلنڈر فلنگ اسٹیشن میں دھماکے میں اب تک 25 افراد جاں بحق ہوچکے ہیں۔
سلنڈر گراؤنڈ فلور کی دکان میں پھٹ گیا جو عمارت کی اوپری سطح تک پھیلنا شروع ہو گیا تھا جہاں یہ خاندان رہتے ہیں۔
واقعہ میں 60 افراد جن میں زیادہ تر بچے تھے، شدید جھلس گئے اور انہیں لیاقت یونیورسٹی ہسپتال میں ہنگامی علاج فراہم کرنے کے بعد کراچی منتقل کرنا پڑا۔80 سے 90 فیصد تک جھلسنے والے 18 سے 22 زخمیوں کو کراچی ریفر کیا گیا تھا۔
