گوگل نیوز پر ہمیں فالو کریںپاکستان اسٹاک مارکیٹ میں 10ہزار پوائنٹس کے بڑے اضافے کے بعد تیزی کا سلسلہ بدستور جاری ہے۔
آج کے کاروباری دن کے دوران کے ایس ای 100 انڈیکس میں مزید 1100 سے زائد پوائنٹس کا زبردست اضافہ دیکھنے میں آیا۔
کاروبار کے اختتام پر انڈیکس 1151 پوائنٹس کے اضافے کے ساتھ 119687 پوائنٹس پر بند ہوا جس سے نہ صرف 119000 کی سطح عبور ہوئی بلکہ اب مارکیٹ کا رخ 120000 پوائنٹس کی نفسیاتی حد کی جانب بڑھ رہا ہے۔
مارکیٹ ماہرین کے مطابق یہ اضافہ اس بات کا واضح اشارہ ہے کہ اسٹاک مارکیٹ بتدریج مستحکم ہو رہی ہے اور سرمایہ کاروں کا اعتماد بحال ہو رہا ہے۔
بین الاقوامی مالیاتی جرائد نے بھی اس رجحان کو نوٹ کیا ہے اور پاکستان کی حالیہ معاشی کارکردگی کو “مالیاتی معجزہ” قرار دیا ہے۔
بروکرز کا کہنا ہے کہ حکومت کی جانب سے سرکلر ڈیٹ کی ادائیگیوں کا آغاز خاص طور پر تیل و گیس کے شعبے میں مارکیٹ کی مزید توانائی اور تیزی کا باعث بن سکتا ہے جس سے بلش ٹرینڈ مزید مستحکم ہونے کا امکان ہے۔
