گال ٹیسٹ کے پہلے دن سری لنکا کے چھ وکٹوں پر 315 رنز

سری لنکا نے پاکستان کے خلاف ٹیسٹ سیریز کے دوسرے میچ کے پہلے دن کھیل کے اختتام تک 6 وکٹوں کے نقصان پر 315 رنز بنالئے ہیں۔

سری لنکا کے شہر گال (Galle) میں کھیلے جارہے ٹیسٹ میچ میں سری لنکا نے تاس جیت کر پہلے بیٹنگ کا فیصلہ کیا۔

سری لنکن اوپنرز نے ٹیم کو 92 رنز کا اوپنگ اسٹینڈ فراہم کیا۔ کوشل مینڈس کے علاوہ ہر بلے باز نے سری لنکا کی اننگز کو آگے بڑھانے میں نمایاں کردار ادا کیا۔

دنیش چندی مل (Dinesh Chandimal )نے 80، اشادا فرنینڈو (Oshada Fernando ) نے 50، اینجیلو میتھیوز (Angelo Mathews ) نے 42 ، دیمتھ کرونارتنے (Dimuth Karunaratne) نے 40 اور دھنن جے ڈی سلوا (Dhananjaya de Silva ) نے 33 رنز بنائے۔

پہلے دن کھیل کے اختتام پر سری لنکا نے 6 وکٹوں کے نقصان پر 315 رنز بنالئے تھے جب کہ نروشن ڈک ولے (Niroshan Dickwella) 42 اور دونیتھ ویلالگے (Dunith Wellalage ) 6 رنز پر کھیل رہے تھے۔

پاکستان کی جانب سے سب سے کامیاب بولر محمد نواز رہے جنہوں نے 2 وکٹیں لیں جب کہ یاسر شاہ، نسیم شاہ اور نعمان علی نے ایک ایک کھلاڑی آؤٹ کیا۔

پاکستان کو سری لنکا کے خلاف ٹیسٹ سیریز میں ایک صفر کی ناقابل شکست برتری حاصل ہے۔