گوگل نیوز پر ہمیں فالو کریںپاکستان ریلوے نے گرمیوں کی چھٹیوں کے دوران عوام کی سہولت کے لیے کراچی سے راولپنڈی تک ایک نئی ٹرین ’’ سمر ویکیشن اسپیشل ٹرین‘‘ کے آغاز کا اعلان کیا ہے۔
موقر معاصر ایکسپریس نیوز کی رپورٹ کے مطابق سمر ویکیشین اسپیشل ٹرین کراچی سے رات 8:45 پر روانہ ہوگی اور اگلے دن دوپہر 3:40 بجے پر لاہور پہنچے گی، پھر رات 10:00 بجے راولپنڈی پہنچے گی۔
واپسی کا سفر راولپنڈی سے دوپہر 12:30 پر شروع ہو گا، ٹرین شام 6 بجے لاہور اور اگلے دن دوپہر 2:15 پر کراچی پہنچے گی۔
سمر ویکیشن اسپیشل ٹرین 17 بوگیوں پر مشتمل ہوگی جن میں 2 اے سی بزنس، 2 اے سی اسٹینڈرڈ، 12 اکانومی کلاس اور ایک پاور وین شامل ہیں۔
پہلی ٹرین راولپنڈی سے 5 جولائی کو دوپہر 12:30 بجے کراچی کے لیے روانہ ہوگی۔ محکمہ ریلوے کے جاری کردہ شیڈول کے مطابق یہ ٹرین ہر دو دن بعد چلے گی اور کراچی سے راولپنڈی 14 اسٹاپ کرے گی۔ ٹرین 1140 مسافروں کے بیٹھنے کی گنجائش ہوگی۔
