گوگل نیوز پر ہمیں فالو کریںاسلام آباد: اسپیکر قومی اسمبلی اسد قیصر نے ایوان میں ہنگامہ آرائی پر کارروائی کا فیصلہ کرتے ہوئے قومی اسمبلی کا اجلاس طلب کر لیا ہے۔
تفصیلات کے مطابق اسپیکر قومی اسمبلی اسد قیصر نے 2 روز قبل قومی اسمبلی اجلاس کے دوران ناخوشگوار واقعے کا نوٹس لیتے ہوئے ہنگامہ آرائی کے ذمہ داروں کے خلاف کارروائی کا فیصلہ کیا ہے۔
اسپیکر قومی اسمبلی کی زیرِ صدارت 8 فروری کو قومی اسمبلی کا اجلاس وفاقی دارالحکومت اسلام آباد میں ہوگا۔ اسپیکر اسد قیصر کا کہنا ہے کہ ایک کسٹوڈین کے طور پر ایوان میں نظم و ضبط کا تحفظ اپنی ذمہ داری سمجھتا ہوں۔
اسد قیصر نے کہا کہ حکومت اور حزبِ اختلاف کے تمام تر اراکینِ قومی اسمبلی ایوان کے قواعد کو تسلیم کرتے ہیں جن پر عمل ان کا فرض ہے۔ 4 فروری کو ایوان میں غیر ذمہ دارانہ رویے کی مذمت کرتا ہوں۔
انہوں نے کہا کہ قومی اسمبلی میں ہنگامہ آرائی کے معاملے پر تحقیقات ہوں گی۔ واقعے کی ویڈیو فوٹیج بھی طلب کر لی گئی۔ اسپیکر اسد قیصر اجلاس کی کارروائی کے ریکارڈ پر بھی تفتیش کریں گے تاکہ واقعے کے ذمہ داران کا تعین کیا جاسکے۔
یہ بھی پڑھیں: سینیٹ انتخابات اوپن بیلٹ سے کرانے کیلئے ایکٹ کا ترمیمی مسودہ تیار
