جنوبی کوریا کی کثیر المنزلہ عمارت میں خوفناک آتشزدگی، 88افرادزخمی

سیول:جنوبی کوریا میں کثیر المنزلہ عمارت میں خوفناک آگ بھڑک اٹھی جس نے پوری عمارت میں اپنی لپیٹ میں لے لیا۔

غیرملکی خبررساں ادارے کے مطابق حکام نے بتایاکہ جنوبی کوریا کے جنوبی مشرقی شہر بوسان کے ضلع ڈول ڈونگ کی 33 منزلہ عمارت میں آگ رات 11 بجکر 7 منٹ پر 12ویں منزل پر قائم اپارٹمنٹ میں لگی جس نے پوری عمارت کو اپنی لپیٹ میں لے لیا۔

آگ لگنے کے بعد فائر فائٹرز کی ٹیمیں جائے وقوعہ پر پہنچ گئی اور رہائش پذیر افراد کو عمارت سے باہر نکالنے کے لیے امدادی کارروائیوں کو آغاز کردیا گیا۔

ہوا کے تیز دباؤ کے باعث آگ کی شدت میں اضافہ ہوگیاجبکہ ہواؤں کے باعث آگ نے قریبی شاپنگ سینٹر کو اپنی لپیٹ میں لے لیا۔آگ لگنے کے باعث خوش قسمتی سے کسی جانی نقصان کی اطلاع نہیں ملی۔

ریسکیو حکام کے مطابق آگ سے متاثرہ 88 افراد کو اسپتال میں طبی امداد کی فراہمی جاری ہے۔جبکہ زخمی ہونے والوں میں 4افراد کی حالت نازک بتائی جارہی ہے۔