گوگل نیوز پر ہمیں فالو کریںآئی سی سی مینز ٹی ٹونٹی ورلڈکپ کے سپر 8 مرحلے میں جنوبی افریقا نے دلچسپ مقابلے کے بعد دفاعی چیمپئن انگلینڈ کو 7 رنز سے ہرا دیا۔
جنوبی افریقا کے 164 رنز کے ہدف کے تعاقب میں انگلینڈ کی ٹیم 6 وکٹوں پر 156 رنز بناسکی۔ سینٹ لوشیا میں کھیلے جانے والے میچ میں انگلش کپتان جوز بٹلر نے ٹاس جیت کر جنوبی افریقا کو پہلے بیٹنگ کی دعوت دی۔
انگلینڈ اور جنوبی افریقا نے سپر 8 مرحلے میں اپنا دوسرا میچ کھیلا۔ دونوں ٹیموں کو اپنے پہلے میچ میں کامیابی ملی تھی۔
جنوبی افریقا نے مقررہ 20 اوورز میں 6 وکٹوں کے نقصان پر 163 رنز بنائے، کوئنٹن ڈی کوک 38 گیندوں پر 65 رنز بناکر نمایاں رہے۔
اس کے علاوہ ریزا ہینڈرکس 19، کلاسن 9، ایڈن مارکرم ایک رن بناکر آؤٹ ہوئے جبکہ ڈیوڈ ملر نے 43 رنز کی اننگز کھیلی۔
اسٹبز 12 اور مہاراج 5 رنز بناکر ناٹ آؤٹ رہے۔
انگلینڈ کی جانب سے جوفرا آرچر نے 3 وکٹیں حاصل کیں جبکہ معین علی اور عادل رشید نے ایک ایک کھلاڑی کو آؤٹ کیا۔
