گوگل نیوز پر ہمیں فالو کریںفیصل آباد/اوکاڑہ: دو مختلف واقعات میں 3 بچوں سمیت 6 افراد دھویں سے دم گھٹنے سے جاں بحق ہوگئے۔
فیصل آباد کے علاقے ناصر ٹاؤن میں سرد موسم میں گھر میں سوئے ہوئے 3 افراد دم گھٹنے سے جاں بحق ہوگئے۔ رات کو چار افراد کمرے میں کوئلہ جلایا تھا تاکہ کمرہ گرم رہے، دم گھٹنے سے موت واقع ہوگئی۔
ریسکیو ذرائع نے بتایا کہ ان میں سے تین کی موت دم گھٹنے سے ہوئی جبکہ چوتھے کو طبی امداد کے لیے ہسپتال منتقل کر دیا گیا ہے۔
دم گھٹنے کے ایک اور واقعے میں اوکاڑہ کے شیر گڑھ میں سوتے ہوئے 3 بچے دھوئیں سے جاں بحق ہوگئے۔ پولیس ذرائع نے بتایا کہ جاں بحق بچوں کی شناخت نور فاطمہ، عثمان اور اقرا کے نام سے ہوئی ہے۔
دو خواتین 25 سالہ عابدہ اور 45 سالہ بشریٰ کو تشویشناک حالت میں طبی امداد کے لیے ہسپتال منتقل کر دیا گیا۔
پولیس نے مزید کہا کہ متاثرین نے ٹھنڈے موسم میں بند جگہ پر سونے کے دوران اپنے کمرے کو گرم رکھنے کے لیے لکڑیاں جلا دی تھیں۔
مزید پڑھیں:پشاور میں گیس کی لوڈ شیڈنگ میں اضافہ، لکڑی کی طلب بھی بڑھ گئی
علاوہ ازیں راولپنڈی کے علاقے ڈھوک حسو میں گیس لیکیج کے دھماکے کے نتیجے میں ماں اور اس کا بچہ شدید زخمی ہو گئے۔
ریسکیو ذرائع نے بتایا کہ انہیں طبی امداد کے لیے ہسپتال منتقل کر دیا گیا ہے۔
