گوگل نیوز پر ہمیں فالو کریںملیر میں پلاٹ کے تنازع پر بہن نے بھائی کو قتل کردیا۔
پولیس کے مطابق یہ واقعہ ملیر کے علاقے ریڑھی گوٹھ میں پیش آیا جہاں خاندان میں پلاٹ کا تنازع چل رہا تھا۔
پولیس کا بتانا ہے کہ ملزمہ نے جائیداد کے تنازع پر اپنے بھائی کو ڈنڈے مار مار کر قتل کر دیا جس کا اس نے اعتراف بھی کیا ہے۔
پولیس کا کہنا ہے کہ ملزمہ کے خلاف مقدمہ درج کرکے مزید تحقیقات شروع کردی ہے۔
قبل ازیں کورنگی صنعتی ایریا سیکٹر 8 اللہ آباد کالونی میں ایک شخص نے اپنی بیوی کو تیزاب پلا کر قتل کر دیا تھا۔
پولیس کے مطابق غیر اخلاقی تعلقات کے شواہد اور شک کی بنا پر اس کے شوہر محمد ایوب اور اس کا بھائی رفیق نے مل کر نور عائشہ کو زہر دیا۔
وہ جناح اسپتال لے جائی گئی جہاں دورانِ علاج انتقال کر گئی۔ پولیس نے قتل کی دفعات کے تحت مقدمہ درج کر کے تحقیقات شروع کردی ہیں۔
