گلوکار عاطف اسلم کواداکاری کیلئے اچھے اسکرپٹس کا انتظار

گلوکار عاطف اسلم نے حال ہی میں اپنے اداکاری کے کیریئر کے حوالے سے انکشاف کیا ہے کہ انہیں اداکاری کیلئے اچھے اسکرپٹ کا انتظار ہے۔

اپنے حالیہ انٹرویو میں عاطف اسلم نے اداکاری نہ کرنے کے حوالے سے مذاق کرتے ہوئے کہا کہ مجھےنہیں لگتا ہے کہ میں خوبصورت ہوں، ان کا کہنا ہے کہ مجھے لگتا ہے کہ میں کسی چیز پر غور کر سکتا ہوں ، جیسا کہ میں نے کہا کہ میں نے ہمیشہ اداکاری کونظر انداز کیا ہے کیونکہ میں اچھے اسکرپٹس کا انتظار کر رہا تھا دیکھتے ہیں کہ اچھااسکرپٹ آتا ہے یا نہیں۔

مزید پڑھیں:عاطف اسلم کا گیت دل جلانے کی بات ریلیز، یو ٹیوب پر لاکھوں افراد نے ویڈیو دیکھ لی

عاطف اسلم نے ماہرہ خان کے ساتھ فلم میں کام کرنے کے اپنے تجربے کے بارے میں بات کی ، جو ان کی پہلی فلم بھی تھی۔ ان کا کہنا تھا کہ ماہرہ خان خوبصورت اور شاندار فنکارہ ہیں۔ وہ ہمیشہ مجھے اپنا پہلا ہیرو کہتی ہیں۔

واضح رہے کہ معروف گلوکار عاطف اسلم نے موسیقی کا نیا سفر شروع کرتے ہوئے گزشتہ ماہ اپنے نئے گانے رفتہ رفتہ کا پوسٹر شیئر کردیا تھا۔

فوٹو شیئرنگ پلیٹ فارم انسٹا گرام پر اپنے پیغام میں گلوکار عاطف اسلم نے اداکارہ سجل علی کے ہمراہ اپنے نئے گانے رفتہ رفتہ کا پوسٹر شیئر کیا۔

پوسٹر کے ہمراہ گلوکارعاطف اسلم نے کیپشن میں لکھا کہ محبت کا اس طرح تجربہ کریں جسے پہلے آپ نے کبھی محسوس نہیں کیا جس پر مداحوں نے خوشی کا اظہار کیا۔