سپریم کورٹ کے ٹرپل ایس فیصلے سے پاکستان کی سیاست میں زلزلہ آگیا۔ شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ سپریم کورٹ کے شارٹ، سویٹ اور اسمارٹ (ٹرپل ایس) فیصلے سے پاکستان کی سیاست میں زلزلہ آگیا ہے۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ  چیف جسٹس عمر عطا بندیال نے جاتے جاتے ٹرپل ایس (شارٹ، سویٹ اور اسمارٹ) فیصلہ سنایا جس سے ملکی سیاست میں زلزلہ آگیا۔

یہ بھی پڑھیں:

انتخابات ملک کو معاشی بحران سے نکال سکتے ہیں۔بلاول بھٹو زرداری

ٹوئٹر پیغام میں سابق وزیرِ داخلہ نے کہا کہ سیاسی زلزلہ 30 دسمبر تک اپنا اثر دکھائے گا۔ کل ساری دنیا میں بریکنگ نیوز تھی کہ پاکستان میں 2027 افراد بدعنوانی کے شکنجے میں دوبارہ آگئے ہیں۔ 16ماہ کی پی ڈی ایم حکومت کی محنت خاک میں مل گئی۔

سابق وزیرِ داخلہ نے کہا کہ عوام کو بھی پی ڈی ایم حکومت نے اندھے کنویں میں دھکا دیا اور خود بھی عوامی بد دعاؤں کی زد میں آئے۔ لیول پلیئنگ فیلڈ کیسز کی بحالی کی صورت میں مل گیا۔ سپریم کورٹ نے سارا ریکارڈ محفوظ کر لیا۔

عوامی لیگ کے سربراہ نے کہا کہ نہ یہ ریکارڈ ضائع کیاجاسکتا ہے، نہ اسے آگ لگ سکتی ہے۔ جس اسمبلی میں ترامیم منظور کی گئیں، اس کے اراکین کی تعداد بعض اوقات 9 سے زیادہ نہیں تھی۔ لوٹ مار کرنے والے دوبارہ بے نقاب ہوگئے۔

جناب عمر عطاء بندیال نے جاتے جاتے ٹرپل ایس (SSS )فیصلہ سنایا ہے اس شارٹ سویٹ اور سمارٹ فیصلے سے پاکستان کی سیاست میں زلزلہ آگیا ہے جس کے اثرات 30 دسمبر تک اپنا اثر دیکھائیں گے کل ساری دنیا میں برکینگ نیوز تھی کہ پاکستان میں 2027 افراد کرپشن کے شکنجے میں دوبارہ آگئے ہیں 16 ماہ کی…

— Sheikh Rashid Ahmed (@ShkhRasheed) September 16, 2023

شیخ رشید نے کہا کہ لوٹ مار کرنے والے نہ سیاست بچا سکے، نہ کیسز سے نکل سکے۔ عوام کا نام ہی ریاست ہے۔ یہ ریاست بچانے نہیں، عوام کو تباہ و برباد کرنے آئے تھے۔ آج پھر پیٹرول بم گرا دیاگیا۔ مہنگائی غریب کا مسئلہ ہے، لندن کے بھگوڑوں کا نہیں۔