مہنگائی اور بے روزگاری ملک کو خانہ جنگی کی طرف لے جاسکتی ہے۔شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ مہنگائی اور بے روزگاری ملک کو خانہ جنگی کی طرف لے جاسکتی ہے جبکہ ریفرنس کے معاملے پر بیان رانا ثناء اللہ ہی دے سکتے ہیں۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ 3 جسٹس کے خلاف ریفرنس کے معاملے کا بیان رانا ثناء اللہ جیسا شخص ہی دے سکتا ہے۔ ان ججز نے تو پی ٹی آئی کے خلاف بھی فیصلے دئیے تھے۔

یہ بھی پڑھیں:

آٹے کی قیمت میں اضافہ، مہنگائی کی شرح 45 فیصد پر پہنچ گئی

ٹوئٹر پیغام میں شیخ رشید احمد نے کہا کہ اس کا یہ مطلب نہیں کہ ججز سے من پسند فیصلے لیے جائیں۔ حکومت کا الیکشن سے فرار، عدلیہ پر دباؤ ڈالنا، غریب کا آٹے کیلئے جان دینا، سب خطرے کی علامات ہیں۔ عدلیہ ریڈ لائن ہے۔

بلند ترین ریکارڈ مہنگائی اوربیروزگاری خانہ جنگی کیطرف لےجا سکتی ہے90دن میں پنجاب اورKPKکی نگران حکومتیں بھی ختم ہوجائیں گی اورججزکےخلاف ریفرنس دائرکرنےکانتیجہ بھی زیرونکلےگاملک میں جمہوریت انارکی کیطرف چلی جائےگی مسئلہ90روزمیں الیکشن کاہےجو13جماعتوں کےٹولےکی سیاسی موت ثابت ہوگا

— Sheikh Rashid Ahmed (@ShkhRasheed) April 2, 2023

ایک اور ٹوئٹر پیغام میں شیخ رشید نے کہا کہ بلند ترین ریکارڈ مہنگائی اور بے روزگاری خانہ جنگی کی طرف لے جاسکتی ہے۔ 90 دن میں پنجاب اور کے پی کے کی نگراں حکومتیں بھی ختم ہوجائیں گی۔ ججز کے خلاف ریفرنس کا نتیجہ بھی زیرو نکلے گا۔

پیغام میں سابق وزیرِ داخلہ شیخ رشید احمد نے پی ڈی ایم کو تنقید کا نشانہ بناتے ہوئے کہا کہ ملک بھر میں جمہوریت انتشار کی طرف چلی جائے گی۔ مسئلہ 90 روز میں الیکشن کا ہے جو 13 جماعتوں کے ٹولے کی سیاسی موت ثابت ہوگا۔