ملک میں آئین اور عدلیہ کے فیصلوں کی بے توقیری ہورہی ہے۔شیخ رشید

راولپنڈی: سابق وزیرِ داخلہ شیخ رشید احمد نے کہا ہے کہ ملک میں آئین اور عدلیہ کے فیصلوں کی بے توقیری اور ججز کے فیصلوں کی تذلیل ہورہی ہے۔

سماجی رابطے کی ویب سائٹ ٹوئٹر پر اپنے پیغام میں عوامی لیگ کے سربراہ شیخ رشید احمد نے کہا کہ آئین وقانون اورعدلیہ کے فیصلوں کی بےتوقیری ہورہی ہے، صرف کورٹ کے اندر سے  ہی گرفتار نہیں کیا جارہا بلکہ ضمانت ہونے پر دوسرے کیس یادوسرےصوبےکی پولیس گرفتارکرلیتی ہے۔

یہ بھی پڑھیں:

ملک جواد حسین نے بھی پی ٹی آئی چھوڑ دی

ڈالر302کاIMFسے کٹیFBRڈارکےخلاف افوہوں کی زدمیں کاروبارنہیں توریونیو بھی نہیں خیالی بجٹ اورعدالتی فیصلوں سےفراری مزید تباہی پھیلائےگاپڑھےلکھےلوگوں کوبے گناہ گرفتارکیاجارہاہےتھانوں اورجیلوں میں جگہ نہیں غسل خانوں میں بندکیاجارہا ہےجب ججزآبدیدہ ہوں گےتو لوگ اپنا رونا کہاں روئیں گے

— Sheikh Rashid Ahmed (@ShkhRasheed) May 20, 2023

ٹوئٹر پیغام میں سابق وزیرِ داخلہ شیخ رشید نے کہا کہ ججز کہہ رہے ہیں کہ ہمارے فیصلوں کی تذلیل ہورہی ہے۔ آئین کے ساتھ جسطرح مذاق ہورہا ہے ایسا طرزِعمل غیر آئینی حکومت میں بھی نہیں دیکھا گیا۔ ڈالر کا ریٹ 302 روپے ہوگیا۔ آئی ایم ایف سے حکومت کی نہیں بن رہی۔ ایف بی آر ڈار کے خلاف افواہوں کی زد میں ہے۔

سابق وفاقی وزیر شیخ رشید احمد نے کہا کہ اگر کاروبار نہیں تو ریونیو بھی نہیں۔ خیالی بجٹ اورعدالتی فیصلوں سے فراری مزید تباہی پھیلائےگی۔ پڑھے لکھے لوگوں کو بے گناہ گرفتار کیا جا رہا ہے۔ تھانوں اورجیلوں میں جگہ نہیں۔ غسل خانوں میں بند کیا جارہا ہے۔ جب ججز آبدیدہ ہوں گے تو لوگ اپنا رونا کہاں روئیں گے؟