گوگل نیوز پر ہمیں فالو کریںراولپنڈی: تھانہ مری میں درج مقدمے میں عوامی مسلم لیگ کے سربراہ شیخ رشید کی ضمانت بعد ازگرفتاری کی درخواست منظور ہو گئی۔
سابق وزیر داخلہ کی جانب سے سردار عبدالرزاق خان اور سردار شہباز خان عدالت میں پیش ہوئے، عدالت کی جانب سے شیخ رشید کی ضمانت 50 ہزار روپے کے مچلکوں کے عوض منظور کی گئی، علاقہ مجسٹریٹ مری محمد ذیشان نے فیصلہ سُنا دیا۔
سماجی رابطے کی ویب سائٹ ٹوئٹر پرپیغام میں سابق وزیر داخلہ شیخ رشید نے کہا کہ اللہ کا شکر ہے، مری کی جعلی ایف آئی آر میں درخواست ضمانت منظور ہوگئی ہے۔
واضح رہے کہ سابق وزیر داخلہ کے خلاف گرفتاری کے دوران پولیس سے مزاحمت اور اہلکار کی وردی پھاڑنے کے الزام میں کار سرکار میں مداخلت کی دفعات کے تحت مقدمہ درج ہے۔
مزید پڑھیں:ڈیرہ غازی خان میں خوفناک ٹریفک حادثہ، 5 دوست جاں بحق
مری کی عدالت نے 9 فروری کو مری پولیس کی شیخ رشید کے 3 روزہ جسمانی ریمانڈ کی استدعا مسترد کرتے ہوئے انہیں 14 روزہ جوڈیشل ریمانڈ پر جیل بھیجنے کا حکم دیا تھا۔
