گوگل نیوز پر ہمیں فالو کریںقومی ٹیم کے سابق کپتان شاہد آفریدی بھی ایشیا کپ کے سپر فور مرحلے میں بھارت کے ہاتھوں شرم ناک شکست پر غصے پر قابو نہ رکھ سکے۔
بھارت نے پاکستان کو ایشیا کپ کے سپر فور مرحلے میں بارش سے متاثرہ میچ میں 228 رنز کی بڑی اور شرمناک شکست سے دوچار کیا۔ بھارت نے پاکستان کو ہر شعبے میں آؤٹ کلاس کردیا۔
سابق قومی کپتان اور مایہ ناز آل راؤنڈر شاہد خان آفریدی کو بھی پاکستان کی رنز کے حساب سے تاریخ کی دوسری بدترین شکست نے سیخ پا کر دیا، انہوں نے ٹوئٹر پر اپنے رد عمل کا اظہار کیا۔
سابق کپتان کا کہنا تھا کہ کھیل میں جیت اور ہار مقابلے کا حصہ ہے لیکن جیت کے حصول کے لیے نہ لڑنا افسوسناک ہے۔ اس میچ میں بھارت نے پاکستان کے خلاف ہر شعبے میں بہترین کاکردگی دکھائی۔
Winning/losing is part of competing, but not putting up a fight, not showing intent to win is just poor. Exactly what I was referring to in my previous tweet.
India played as #1 on the field, batting & bowling. Congrats @imVkohli on achieving another dream milestone of ODI runs…— Shahid Afridi (@SAfridiOfficial) September 11, 2023
شاہد آفریدی نے اظہار برہمی کے ساتھ اسی ٹویٹ میں پاکستانی ٹیم کا حوصلہ بھی بڑھایا اور کہا کہ آپ اگلے میچ میں اچھی کاردکرگی دکھا سکتے ہیں۔
مزید پڑھیں:سری لنکا میں کسینو جانیوالے 2 پی سی بی عہدیداروں کیخلاف تحقیقات کا آغاز ہوگیا
سابق کپتان نے میچ میں شاندار کامیابی کا مظاہرہ کرنے پر ویرات کوہلی اور کے ایل راہول کو سنچریز بنانے پر مبارکباد بھی پیش کی۔
