گوگل نیوز پر ہمیں فالو کریںراولپنڈی: سیکورٹی فورسز نے شمالی وزیرستان، خیبر پختونخوا کے علاقے میر علی میں خفیہ معلومات پر آپریشن کے دوران ایک مطلوب دہشت گرد کو ہلاک کردیا۔
پاک فوج کے شعبہ تعلقات عامہ آئی ایس پی آر کے مطابق سیکیورٹی فورسز کو خفیہ اطلاع ملی تھی کہ دہشت گرد میر علی کے علاقے میں ایک ٹھکانے پر موجود ہیں۔ جس پر فوری کارروائی کی گئی۔
آئی ایس پی آر کے مطابق آپریشن کے دوران سیکورٹی فورسز اور دہشت گردوں کے درمیان شدید فائرنگ کا تبادلہ ہوا، فائرنگ کے تبادلے میں مطلوب دہشت گرد عارف اللہ عرف داد اللہ کو اس کے منطقی انجام تک پہنچا دیا گیا۔
مزید پڑھیں: بلوچستان کے علاقے آواران میں سیکورٹی فورسز کا آپریشن، 4 دہشت گرد ہلاک
