گوگل نیوز پر ہمیں فالو کریںراولپنڈی:بلوچستان میں سیکورٹی فورسز کی کارروائی کے دوران کالعدم تنظیم کا کمانڈر سمیت6 دہشت گرد مارے گئے۔
پاک فوج کے شعبہ تعلقات عامہ کے مطابق سیکورٹی فورسز کی جانب سے بلوچستان کے ہرنائی کے علاقے جمبوروکے قریب دہشت گردوں کے ٹھکانوں پر کارروائی کی گئی۔
کارروائی کے دوران کالعدم بلوچ لبریشن آرمی کے کمانڈر طارق عرف ناصر سمیت 6 دہشت گرد ہلاک ہو گئے۔آئی ایس پی آر کے مطابق دہشت گردوں کے ٹھکانوں سے اسلحہ و بارود کا بڑا ذخیرہ بھی بر آمد کرلیا گیا۔
اعلامیہ کے مطابق سیکورٹی فورسز اور دہشت گردوں کے درمیان فائرنگ کا تبادلہ کافی دیر جاری رہا ،دہشت گردوںنے فرار کی کوشش میں فائرنگ کی ، سیکورٹی فورسز نے علاقے کو گھیرے میں لے لیا۔آئی ایس پی آر کے مطابق امن وامان کی صورتحال خراب کرنے کی کسی کو بھی اجازت نہیں دی جائے گی۔
مزید پڑھیں:پشاور کے علاقہ شاہ پور میں سی ٹی ڈی کی بڑی کارروائی، داعش کے 3 دہشتگرد ہلاک
