گوگل نیوز پر ہمیں فالو کریںآج بروز پیر 21 جولائی 2025 کو سعودی ریال کے مقابلے میں پاکستانی روپے کی تازہ ترین شرح مبادلہ جاری کر دی گئی ہے،اوپن مارکیٹ اور بینکوں کے درمیان ریال کی قیمت میں معمولی فرق دیکھا گیا ہے۔
اوپن مارکیٹ میں سعودی ریال کی خریداری کی قیمت 76 روپے 75 پیسے جبکہ فروخت کی قیمت 77 روپے 40 پیسے رہی۔ دوسری جانب بینکنگ مارکیٹ میں سعودی ریال کی خریداری 75 روپے 92 پیسے اور فروخت کی قیمت 76 روپے 5 پیسے ریکارڈ کی گئی۔
سعودی ریال کی شرح مبادلہ پاکستان کے لیے خاص اہمیت رکھتی ہے، کیونکہ سعودی عرب میں مقیم لاکھوں پاکستانی ورکرز ہر ماہ ترسیلات زر کے ذریعے وطن کو زرِمبادلہ بھیجتے ہیں۔
ریال کی قدر جتنی زیادہ ہوتی ہے، اتنی ہی پاکستانی معیشت کو سہارا ملتا ہے، زرمبادلہ کے ذخائر میں اضافہ ہوتا ہے اور مہنگائی کے دباؤ کو کم کرنے میں مدد ملتی ہے۔
کرنسی کا تبادلہ نہ صرف ملکی معیشت بلکہ عالمی مالیاتی نظام میں بھی کلیدی کردار ادا کرتا ہے۔
پاکستان کے لیے دیگر کرنسیوں جیسے امریکی ڈالر یا اماراتی درہم کے مقابلے میں روپے کی قدر کا تعین انہی زر مبادلہ کی شرحوں کے ذریعے ہوتا ہے، جو درآمدات، برآمدات، بین الاقوامی تجارت، سفر اور سرمایہ کاری کو متاثر کرتی ہیں۔
اس دوران مالی سال 2024-25 کے دوران بیرون ملک مقیم پاکستانیوں کی جانب سے بھیجی گئی ترسیلات زر میں نمایاں اضافہ دیکھا گیا۔
اسٹیٹ بینک کے مطابق جولائی 2024 سے مئی 2025 تک ترسیلات زر کی مجموعی مالیت 34 ارب 90 کروڑ ڈالر رہی جو گزشتہ مالی سال کی اسی مدت کے مقابلے میں 28.8 فیصد زیادہ ہے۔
