غزہ پر اسرائیلی حملہ، سعودی ولی عہد نے امریکی وزیر خارجہ کو سخت پیغام دیدیا

واشنگٹن پوسٹ کے مطابق سعودی ولی عہد نے اتوار کے روز  ہونے والی ملاقات میں اسرائیل فلسطین کی صورت حال پر سخت پیغام دیتے ہوئے غزہ میں فوجی آپریشن رکوانے اور غزہ کا اسرائیلی محاصرہ ختم کروانے پر زور دیا۔

سعودی ولی عہد محمد بن سلمان کا کہنا تھا کہ اسرائیلی حملوں میں معصوم فلسطینی قتل ہو رہے ہیں، اسرائیل کو چاہیے کہ غزہ کا محاصرہ  ختم کرے، غزہ کو  پانی، بجلی اور ایندھن کی فراہمی بحال کرے۔

اس سے قبل ملاقات کے بعد امریکی وزیر خارجہ نے کہا تھا کہ سعودی ولی عہد سے آگے بڑھنے کے حوالے سے کئی اچھی تجاویز پر بات ہوئی ہے۔