غیراخلاقی مناظرعکس بند نہیں کراسکتی، اس لئے فلموں کا انکار کیا ، سارہ خان

کراچی: پاکستان کی خوبرو اداکارہ سارہ خان نے فلموں میں کام نہ کرنے کی وجہ بتاتے ہوئے کہا ہے کہ وہ مختصر کپڑے نہیں پہن سکتیں، یہ اُن کے بس میں نہیں۔

سارہ  خان ٹی وی انڈسٹری میں بہت اہمیت   کی حامل اداکارہ  ہیں، اپنی اداکاری اور خوبصورتی کے باعث مداح ان کے دیوانے ہیں اورانڈسٹری میں تنازعات سے دوررہنے والی اداکاراؤں کی فہرست میں شامل کی جاتی ہیں۔

معروف اداکارہ نے ’دیوار شب، میرے بے وفا، تمہارے ہیں، تم میرے ہو، استانی جی، میرے ہمدم‘ سمیت متعدد ڈراموں میں کام کیا ہے۔

سارہ خان سے ایک ٹی وی شومیں سوال پوچھا گیا کہ ڈراموں میں کامیابی کے بعد انہوں نے اب تک فلموں میں کام کیوں نہیں کیا، جس پر انہوں نے کہا کہ میرے کام کرنے سے متعلق کچھ اصول ہیں جو کبھی بھی نہیں توڑنا چاہتی۔

انہوں نے کہا انہیں فلموں کی آفربھی ہوئی تھی لیکن آفرانہوں نے ٹھکرادی ہیں، کیونکہ وہ غیراخلاقی مناظرعکس بند نہیں کراسکتی ہیں اورنہ ہی مختصرکپڑے پہن سکتی ہیں جوان کے واضح اصول ہیں جو وہ کبھی نہیں توڑیں گی۔