گوگل نیوز پر ہمیں فالو کریںاسلام آباد: وزیرِ اعظم کی معاونِ خصوصی برائے سماجی تحفظ اور احساس پروگرام کی سربراہ ڈاکٹر ثانیہ نشتر نے احساس ایمرجنسی کیش پروگرام میں مستحق خاتون کی رقم میں ناجائز کٹوٹی کا نوٹس لے لیا ہے۔
سماجی رابطے کی ویب سائٹ ٹوئٹر پر میر محمد نامی سوشل میڈیا صارف نے ایک مستحق خاتون کی ویڈیو شیئر کرتے ہوئے شکایت کی کہ اس خاتون کی رقم میں کٹوتی کی گئی ہے۔
میر محمد نے کہا کہ یہ خاتون دھریجہ پھاٹک سینٹر،حیدر موبائل شاپ والے سے احساس کفالت پروگرام کے پیسے لینے گئی تو سینٹر پر موجود نوجوان نے کہا کہ 9 ہزار روپے آئے ہیں۔
سوشل میڈیا صارف کے مطابق مستحق خاتون کو 9 ہزار دینے کی بجائے اس میں سے مزید 500 کی کٹوتی کر لی گئی۔ نوجوان نے کہا کہ 500 روپے ہمارا خرچہ آیا ہے۔
احساس پروگرام کی سربراہ ڈاکٹر ثانیہ نشتر نے میر محمد کو جواب دیتے ہوئے کہا کہ میں کل اس معاملے کی تفتیش کروں گی اور یہ بات یقینی بنائی جائے گی کہ ذمہ دار فرد کو سزا دی جائے۔
معاونِ خصوصی ثانیہ نشتر نے کہا کہ اگر کوئی شخص اس خاتون سے رابطے کی تفصیلات جانتا ہے تو ہمیں بتائے۔ ہم چوری کی ہوئی رقم برآمد کرکے خاتون تک پہنچائیں گے۔
ڈاکٹر ثانیہ نشتر نے کہا کہ وزیرِ اعظم عمران خان کا احساس ایمرجنسی کیش پروگرام مستحقین کی امداد کیلئے ہے جس میں بدعنوانی کی کوئی گنجائش نہیں۔
I will investigate first thing tomorrow and make sure the person responsible is punished; If anyone knows the contact details of the lady, we will make sure her stolen money is recoverd and returned to her. There is zero tolerance for corruption https://t.co/4RIWz2Mjjt
— Senator Dr Sania Nishtar (@SaniaNishtar) April 19, 2020
