گوگل نیوز پر ہمیں فالو کریںماسکو: پاکستان میں گیس کا بحران جاری ہے جبکہ روس نے پاکستان اور افغانستان کو قدرتی گیس فراہم کرنے پر آمادگی ظاہر کردی۔
تفصیلات کے مطابق روس کے نائب وزیر اعظم الیگزینڈر نوواک نے روسی خبر ایجنسی سے گفتگو کے دوران کہا کہ ہم طویل مدتی منصوبے کے تحت پاکستان اور افغانستان کو وسط ایشیا یا پھر ایران کے راستے سے قدرتی گیس مہیا کرسکتے ہیں۔
روس کی ایران کو 24 جنگی طیارے فراہم کرنے کی تیاری
گفتگو کے دوران روسی نائب وزیر اعظم نے کہا کہ روس یورپ کو بھی پائپ لائن کے ذریعے گیس فراہمی کی بحالی کیلئے تیار ہے جبکہ پائپ لائن سے گیس فراہمی سیاسی وجوہات کے باعث روک دی گئی جس پر مذاکرات جاری ہیں۔
روسی نائب وزیر اعظم الیگزینڈر نوواک نے کہا کہ روس ترکیہ میں قائم مرکز کے راستے اضافی گیس سپلائی پر گفت و شنید میں مصروف ہے جبکہ آذربائیجان کے ساتھ گیس سپلائی بڑھانے کا معاہدہ ہوچکا۔ قازقستان اور ازبکستان کے ساتھ بھی سپلائی بڑھانے پر گفتگو ہوئی۔
