گوگل نیوز پر ہمیں فالو کریںمعروف صحافی اور پاکستان تحریک انصاف کے بانی عمران خان کی سابق اہلیہ ریحام خان نے اپنی سیاسی جماعت اکستان ریپبلک پارٹی کے قیام کا باضابطہ اعلان کر دیا ہے۔
یہ اعلان انہوں نے کراچی پریس کلب میں ایک پریس کانفرنس کے دوران کیا جہاں انہوں نے موجودہ سیاسی نظام سے عوام کی بڑھتی ہوئی ناپسندیدگی کو اس اقدام کا محرک قرار دیا۔
ریحام خان نے کہا کہ ان کی جماعت عوام کی آواز بنے گی اور حکمران طبقے کو جواب دہ ٹھہرائے گی۔ انہوں نے اس بات پر زور دیا کہ ان کی سیاسی جدوجہد کا آغاز کراچی سے کرنا علامتی اہمیت رکھتا ہے کیونکہ مشکل وقتوں میں پریس کلب نے ان کا ساتھ دیا۔
ان کا کہنا تھا کہ جو بھی کام شروع کیا جائے، اسے اللہ کے نام سے آغاز کرنا چاہیے۔ انہوں نے نیت کی پاکیزگی اور عوامی خدمت کے جذبے کو اپنے مشن کی بنیاد قرار دیا۔
This is for you. Join our working groups. Let’s put our heads together & plan our future together.
InshAllah pic.twitter.com/CmEZ4N1bvk— Reham Khan (@RehamKhan1) July 15, 2025
اپنی ذاتی زندگی کا حوالہ دیتے ہوئے ریحام خان نے بتایا کہ انہوں نے 2012 میں بی بی سی میں شمولیت اختیار کی اور بعد ازاں اپنی والدہ کے ساتھ پاکستان میں چار سال گزارے جس سے ان کا ملک سے تعلق مزید گہرا ہوا۔ ان کا کہنا تھاکہ میں نے 2012 سے 2025 تک اس ملک کو دیکھا اور محسوس کیا ہے”
ریحام خان نے سیاسی اشرافیہ کو تنقید کا نشانہ بناتے ہوئے کہا کہ عام عوام آج بھی بنیادی سہولیات سے محروم ہیں۔ انہوں نے ایک واقعہ سنایا کہ ایک بچے نے انہیں مشورہ دیا کہ وہ روایتی سیاستدانوں کی طرح نہ بنیں۔ انہوں نے اس بات پر زور دیا کہ ان کی پارٹی تمام محروم علاقوں کی نمائندہ ہو گی ۔
ریحام خان کے اس اقدام کو پاکستان کے سیاسی منظرنامے میں ایک نئی پیش رفت کے طور پر دیکھا جا رہا ہے، خاص طور پر ایسے وقت میں جب عوام کا اعتماد روایتی سیاسی جماعتوں سے اٹھتا جا رہا ہے۔ ان کی جماعت کا آئندہ کا لائحہ عمل، منشور اور تنظیمی ڈھانچہ آنے والے دنوں میں واضح کیا جائے گا۔
