گوگل نیوز پر ہمیں فالو کریںلاہور : حکومت پنجاب نے لاہور میں کورونا وائرس کی وجہ سے سیل کئے گئے 61 علاقوں کو دوبارہ کھول دیا ہے جبکہ 7علاقوں میں لاک ڈاؤن میں تین دن کی توسیع کردی گئی ہے۔
جو علاقوں کو دوبارہ کھول دیا گیا ہے ان میں جوہر ٹاؤن ، کینال ویو سوسائٹی ، واپڈا ٹاؤن ، پی سی ایس آئی آر ، ڈی ایچ اے ، عسکری ، انارکلی ، کریم پارک ، شادباغ ، محلہ شاہ نور ودیگرعلاقے شامل ہیں۔
دوسری جانب حکومت پنجاب نے کورونا وائرس کی وجہ سے صوبے میں اسمارٹ لاک ڈاؤن کے حوالے سے توسیع کا نوٹیفکیشن بھی جاری کردیا ہے۔
سیکریٹری ہیلتھ کیئر کیپٹن (ر) محمد عثمان کے مطابق تعلیمی ادارے ، شادی ہال ، ریستوران ، پارکس اور سنیما ہال بند رہیں گے۔لاک ڈاؤن کے دوران سماجی اور مذہبی اجتماعات ، کھیلوں کی سرگرمیوں کی اجازت نہیں ہوگی۔
تمام کاروباری مقامات پیر سے جمعہ صبح 9 بجے سے صبح 7 بجے تک کھلے رہیں گے۔ میڈیکل اسٹورز ، پنکچر شاپس ، آٹے کی چکی ، تندور ، زرعی ورکشاپس کو24 گھنٹے کھلے رہنے کی اجازت ہوگی۔
50 عملہ رکنی عملے کے ساتھ کال سینٹرز کھولنے کی اجازت ہوگی جبکہ بین الاضلاع ٹرانسپورٹ کو دن میں 24 گھنٹے کام کرنے کی اجازت ہوگی۔
مزید پڑھیں:آئل مافیا کا دباؤ، وزارت خزانہ کاپیٹرولیم قیمتوں میں کمی سے انکار
