گوگل نیوز پر ہمیں فالو کریںاسلام آباد: پاکستان تحریک انصاف (پی ٹی آئی) کے رہنما افتخار درانی کو گرفتار کرلیا گیا۔
ذرائع کے مطابق پی ٹی آئی رہنما افتخار درانی کو اسلام آباد میں ان کی رہائش گاہ سے گرفتار کیا گیا ہے، تاہم اُن کی گرفتاری کی وجہ اب تک سامنے نہیں آسکی ہے۔
دوسری جانب پارٹی رہنماؤں کا کہنا ہے کہ افتخار درانی کو رات ڈیرھ بجے اسلام آباد میں ان کے گھر سے گرفتار کیا گیا۔
ان کے بیٹے عماد درانی نے گرفتاری کی تصدیق کرتے ہوئے کہا کہ افتخار درانی کو بغیرایف آئی آراور ورانٹ کے گرفتار کیا گیا۔
باجوڑ، مبینہ خودکش دھماکے میں جاں بحق افراد کی تعداد 63 تک جا پہنچی
فرخ حبیب نے ایک تصویر شیئر کرتے ہوئے دعویٰ کیا کہ افتخار درانی کی گرفتاری کے لئے ان کے گھر کے دروازے توڑ دیئے گئے۔ پارٹی کے دیگر رہنماؤں کا دعوی ہے کہ اہلکاروں نے اہلخانہ کے موبائل فون بھی قبضے میں لے لیے۔
افتخار درانی کو دیر رات انکے گھر سے اٹھا لیا گیا گھروں کے دروازے توڑے جاتے ہے نہ خواتین کے تقدس کا خیال کیا جاتا ہے کوئی FIR کوئی warrant نہیں بس جنگل کا قانون ہے نظام انصاف کو بے بس کردیا گیا ہے pic.twitter.com/5E4LyFtI1T
— Farrukh Habib (@FarrukhHabibISF) August 3, 2023
واضح رہے کہ افتخار درانی تحریک انصاف کے دور حکومت میں وزیراعظم کے معاون خصوصی برائے میڈیا تھے تاہم عمران خان نے انہیں 3 فروری کو کابینہ سے نکال دیا تھا جس کے بعد وہ منظر عام سے غائب تھے۔
