گوگل نیوز پر ہمیں فالو کریںاسلام آباد: پی ٹی آئی نے الیکشن کمیشن آف پاکستان میں بلے کے انتخابی نشان پر 30 اگست کا تحریری فیصلہ جاری کرنے کی درخواست جمع کرادی ہے۔
تفصیلات کے مطابق تحریکِ انصاف کی جانب سے الیکشن کمیشن میں درخواست سینیٹر اور پی ٹی آئی رہنما بیرسٹر علی ظفر نے جمع کروائی جس میں استدعا کی گئی کہ الیکشن کمیشن 30 اگست کا تفصیلی و تحریری فیصلہ جاری کرے۔
ایک شخص کی واپسی کیلئے ملک میں جمہوریت اور الیکشن کو روکا گیا۔بلاول
بیرسٹر علی ظفر کی جانب سے دائر درخواست میں استدعا کی گئی انتخابی نشان کے اجراء کے معاملے پرفیصلہ جاری کرنا ہوگا۔ پارٹی الیکشن کو بنیاد بناتے ہوئے بلے کے انتخابی نشان کے اجراء سے انکار کا نوٹس جاری کیا گیا۔
درخواست گزار بیرسٹر علی ظفر کا دائر درخواست میں کہنا ہے کہ انٹرا پارٹی الیکشن کی بنیاد پر الیکشن کمیشن کا نوٹس سنگین غلطی تھی۔پی ٹی آئی کے انٹرا پارٹی الیکشن تحریکِ انصاف کے آئین کے مطابق ہوئے تھے۔
سینیٹر علی ظفر کا کہنا ہے کہ انٹرا پارٹی الیکشن کے بعد تحریکِ انصاف کو بلے کے انتخابی نشان سے محروم کرنےکا کوئی جواز نہیں، الیکشن کمیشن نے جمع شدہ دستاویز میں چند نقائص کی نشاندہی کی جنہیں ہم دور کرچکے ہیں۔
درخواست میں یہ مؤقف اختیار کیا گیا کہ 30 اگست کے فیصلے کو 41 دن گزر جانے کے باوجود ہمیں تفصیلی فیصلہ فراہم نہیں کیا گیا جبکہ یہ دستور سمیت بنیادی حقوق کی کھلی خلاف ورزی ہے۔ ہمیں تفصیلی فیصلہ جاری کیا جائے۔
