گوگل نیوز پر ہمیں فالو کریںپاکستان اسٹاک ایکسچینج نے جمعہ کے روز کاروبار کا آغاز مثبت رجحان کے ساتھ کیا، آغاز میں انڈیکس میں معمولی اضافہ ریکارڈ کیا گیا۔
صبح 10 بجے تک ہنڈریڈ انڈیکس 103570اعشاریہ 14 پوائنٹس پر ٹریڈ کر رہا تھاجو گزشتہ سیشن کے 103526اعشاریہ 81 پوائنٹس کے مقابلے میں کچھ پوائنٹس کا اضافہ ظاہر کرتا ہے۔
جمعرات کے روز پاکستان اسٹاک مارکیٹ میں مندی کا رجحان برقرار ہے جبکہ انڈیکس میں مزید 6482اعشاریہ 21 پوائنٹس کی کمی ہوئی جو 5اعشاریہ 89 فیصد منفی تبدیلی کے ساتھ 110009اعشاریہ 03 پوائنٹس سے گھٹ کر 103526اعشاریہ 82 پوائنٹس پر بند ہوا۔
کاروباری دن کے دوران کُل 653550383 حصص کا لین دین ہوا، جو پچھلے دن کے 550076224 حصص سے زیادہ تھا جبکہ حصص کی مالیاتی قدر 35اعشاریہ 437 ارب روپے رہی، جو گزشتہ روز 30اعشاریہ 121 ارب روپے تھی۔
اس دن کُل 450 کمپنیوں نے اپنے حصص کی خرید و فروخت کی، جن میں سے 35 کمپنیوں کے حصص کی قیمت میں اضافہ، 373 کے حصص کی قیمت میں کمی، اور 42 کمپنیوں کے حصص کی قیمت میں کوئی تبدیلی نہیں آئی۔
سب سے زیادہ کاروبار کرنے والی کمپنیوں میں ورلڈ کال ٹیلی کام سرِفہرست رہی، جس کے 93253525 حصص 1اعشاریہ 10 روپے فی حصص کے نرخ پر ٹریڈ ہوئے۔
اس کے بعد کوہ نور اسپننگ کے 28484361 حصص 3اعشاریہ 94 روپے فی حصص اور کے الیکٹرک کے 27065550 حصص 3اعشاریہ 92 روپے فی حصص کے ساتھ نمایاں رہے۔
قیمت کے لحاظ سے سب سے زیادہ اضافہ پی آئی اے ہولڈنگ کمپنی لمیٹڈ بی کے حصص میں دیکھا گیا جو 639اعشاریہ 28 روپے کے اضافے کے بعد 7032اعشاریہ 03 روپے فی حصص پر بند ہوا۔
اس کے بعد خیبر ٹیکسٹائل ملز لمیٹڈ کے حصص میں 60اعشاریہ 73 روپے اضافہ ریکارڈ کیا گیا، اور یہ 668اعشاریہ 07 روپے پر بند ہوئے۔
دوسری جانب سب سے زیادہ کمی یونی لیور پاکستان فوڈز لمیٹڈ کے حصص میں دیکھی گئی، جن کی قیمت میں 450اعشاریہ 54 روپے کی کمی آئی اور یہ 22080اعشاریہ 75 روپے پر بند ہوئے۔
اس کے بعد رفحان میز پروڈکٹس کمپنی لمیٹڈ کے حصص کی قیمت میں 172اعشاریہ 44 روپے کی کمی ہوئی اور یہ 8652اعشاریہ 00 روپے پر بند ہوئے۔
