گوگل نیوز پر ہمیں فالو کریںپاکستان سپر لیگ (پی ایس ایل) 9 کے افتتاحی میچ میں اسلام آباد یونائیٹڈ نے لاہور قلندرز کو 8 وکٹ سے شکست دے دی۔
قبل ازیں لاہور قلندرز نے پہلے بیٹنگ کرتے ہوئے اسلام آباد کو جیت کے لیے 196 رن کا ہدف دے دیا تھا، جو کپتان شاداب خان کی عمدہ اور جارحانہ بیٹنگ کی بدولت اسلام آباد نے دو وکٹ کے نقصان پر مکمل کرلیا۔
لاہور کے قذافی اسٹیڈیم میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر لاہور قلندرز کے کپتان شاہین آفریدی کو بیٹنگ کی دعوت دی۔
لاہور قلندرز نے پہلےکھیلتے ہوئے مقررہ 20 اوور میں 5 وکٹ پر 195 رن بنائے۔
صاحبزادہ فرحان نے57 اور عبداللہ شفیق نے 28 رن کی اننگ کھیلی، ڈیوڈ ویسا 14 اور فخزمان 13 رن بنا کر آؤٹ ہوئے۔ وین ڈر ڈوسن 41 گیندوں پر 71 رن کے ساتھ ناقابل شکست رہے۔
نسیم شاہ اور شاداب خان نے ایک ایک وکٹ حاصل کی، ٹائمل ملز نے 2کھلاڑیوں کو آؤٹ کیا۔
وقفے کے بعد اسلام آباد یونائیٹڈ نے اپنی اننگ کا آغاز کیا۔ کپتان شاداب خان اور اسلم کی عمدہ شراکت اور جارحانہ بیٹنگ کی بدولت سیکنڈ لاسٹ اوور میں اسلام آباد یونائیٹڈ نے بہ آسانی لاہور قلندرز کو شکست دے دی۔
