گوگل نیوز پر ہمیں فالو کریںاسلام آباد: وفاقی وزیرِ تعلیم شفقت محمود نے کہا ہے کہ ملک کیلئے ضروری نیشنل ایجوکیشن پالیسی 2021ء پر کام شروع کردیا گیا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شفقت محمود نے کہا کہ ہماری وزارت نے ملک بھر کیلئے واحد نصاب رائج کرنے کیلئے مختلف اقدامات اٹھائے، تاہم ملک کیلئے ایک رسمی ایجوکیشن پالیسی بھی ضروری ہے۔
پیغام میں وزیرِ تعلیم شفقت محمود نے کہا کہ میری ہدایات پر وزارتِ تعلیم نے نیشنل ایجوکیشن پالیسی پر کام شروع کردیا ہے جس کیلئے وسیع البنیاد مشاورت کی جارہی ہے، ہم تمام تر تجاویز کو خوش آمدید کہیں گے۔
While we have taken a number of initiatives including single national curriculum, A formal Education policy for the country is necessary. So on my direction a process has been started by the Ministry of Education which includes widespread consultation. All suggestions welcome
— Shafqat Mahmood (@Shafqat_Mahmood) December 20, 2020
یاد رہے کہ اِس سے قبل وفاقی وزیر تعلیم و پیشہ ورانہ تربیت شفقت محمود نے کہا کہ کورونا وائرس کے 15دن کے اند ر اند وزارت تعلیم نے ٹیلی اسکول شروع کرنے کیلئے ایک خصوصی ٹیلی ویژن چینل حاصل کر لیا تھا،دن میں 10گھنٹے تک کلاس 1-12 کے اسباق کو مختلف ماڈیول میں نشر کیا جاتا رہا۔
وزیرِ تعلیم شفقت محمود نے 4 روز قبل کہا کہ ٹیلی کام کمپنیوں کی مدد سے ایک ایس ایم ایس سسٹم قائم کیا گیا تاکہ طلبا کو اسباق پر رائے دینے کیلئے ذریعہ مہیا کیا جاسکے،خاص طور پر ملک کے دیہی علاقوں میں وزیر اعظم عمران خان نے ایک ریڈیو اسکول کا بھی آغاز کیا۔
مزید پڑھیں: تعلیم کو آن لا ئن منتقل کر نے میں کافی مشکلات پیش آئیں، شفقت محمود
