خزانے پر بوجھ بننے والے سرکاری اداروں کی نجکاری قومی مفاد میں ہے‘ عمران خان

اسلام آباد:وزیر اعظم عمران خان کی زیر صدارت وزارت صنعت کے زیر انتظام اداروں کی استعداد کار بڑھانے پر اجلاس منعقد ہوا‘ بریفنگ میں بتایا گیا کہ صنعت ڈویژن کے زیر انتظام 38 ادارے ہیں‘جن میں سے تیرہ کی نجکاری، دس کاانضمام، پانچ کو متعلقہ ڈویژنز اور صوبوں کو منتقلی کے بعد وزارت کے پاس صرف 9 ادارے رہ جائینگے۔

اجلاس میں مشیر تجارت عبدالرزاق داؤد، سیکریٹری صنعت ڈویژن اوردیگر سینئر افسران کی شرکت شریک ہوئے۔

وزیر اعظم نے اجلاس سے خطاب کرتے ہوئے کہا کہ حکومتی خزانے پر بوجھ بننے والے سرکاری اداروں کی نجکاری قومی مفاد میں ہے

اداروں کی نجکاری، انضمام یا متعلقہ محکموں کو منتقلی کے عمل کا مقصد معاشی خسارے میں کمی لانا اور اداروں کی استعدادِ کار اور کارکردگی میں بہتری کو یقینی بنانا ہے‘اس عمل میں کاروباری طبقے اورچینج منیجمنٹ کے ماہرین سے بھی مشاورت کی جائے۔

وزیر اعظم نے صنعت ڈیویژن کو ہدایت کی کہ کابینہ سے منظور شدہ اداروں کی نجکاری کے عمل کو تیز کیا جائے تاکہ مقرر شدہ معیاد میں یہ عمل مکمل کرنے کو یقینی بنایا جا سکے۔