وزیراعظم عمران خان کی معاون خصوصی ثانیہ نشتر کورونا میں مبتلا

اسلام آباد: وزیراعظم عمران خان کی معاون خصوصی برائے سماجی تحفظ اور احساس پروگرام کی چیئرپرسن ڈاکٹر ثانیہ نشتر بھی کورونا وائرس میں مبتلا ہوگئی ہیں۔

ڈاکٹر ثانیہ نشتر نے سماجی رابطے کی ویب سائٹ پر ٹوئٹ کرکے بتایا کہ ٹیسٹ مثبت آنے بعد انہوں نے خود کو قرنطینہ کرلیا ہے۔

I have tested positive for COVID 19 and am isolating myself. I have mild symptoms and will, therefore, continue to work from home

— Senator Dr Sania Nishtar (@SaniaNishtar) October 19, 2020

اُن کا مزید کہنا تھا کہ ان میں کورونا کی علامات کم ظاہر ہوئی ہیں اور وہ گھر سے کام جاری رکھیں گی۔واضح رہے کہ اس سے قبل وفاقی وزراء مخدوم شاہ محمود قریشی اور شیخ رشید بھی کورونا سے صحتیاب ہوچکے ہیں۔

واضح رہے کہ وزیر اعظم عمران خان نے آج اپنے ایک بیان میں کہا ہے کہ سردیوں میں کورونا وائرس کے کیسز میں اضافہ ہوسکتا ہے، اس لئے عوام احتیاطی تدابیر پر ضرور عمل کریں۔ تاکہ کورونا وائرس سے محفوظ رہ سکیں۔